Киевийн ойролцоох Буча хотыг чөлөөлсний дараа орон нутгийн эрх баригчид хотын эргэн тойрноос олон тооны энгийн иргэдийн цогцос олдсон тухай мэдээлэв. Буча хотын дарга Анатолий Федорук Франс Пресс агентлагт хэлэхдээ, орон нутгийн эрх баригчид одоогоор 280 хүнийг бөөнөөр нь оршуулаад байна гэжээ.
Барууны мэдээллийн агентлагийн сэтгүүлчид нэгэн гудамжинд энгийн хувцастай 20 орчим эрэгтэй хүний цогцос байгааг тоолжээ.
Хүний эрхийн Human Rights Watch байгууллага Оросын цэргийнхэн Киев, Чернигов, Харьковын эзлэгдсэн хэсгүүдэд энгийн иргэдийг хөнөөж, хүчирхийлсэн тухай тайлан нийтэлжээ.
Их Британийн Гадаад хэргийн сайд Лиз Трасс Буча болон бусад хотуудад энгийн номхон иргэдийг хөнөөсөн явдалд эгдүүцэж буйгаа илэрхийлж, Украинд Орос түрэмгийллийн үеэр үйлдэгдсэн дайны гэмт хэргийн нотлох баримтыг цуглуулахад Лондон НҮБ-ын Олон улсын эрүүгийн шүүхтэй хамтран ажиллаж байна гэж нэмж хэлэв.
"Бид Оросыг эдгээр харгислал, гэмт үйлдлээ элэгсэг худал мэдээллээр хаацайлахыг зөвшөөрөхгүй бөгөөд Оросын гэмт үйл ажиллагааны бодит байдлыг илчлэх болно" гэж Трасс хэлэв.
"Эмэгтэйчүүдийг хүүхдүүдийнх нь нүдэн дээр хүчирхийлж, охидыг гэр бүлийнх нь дэргэд зориуд боолчлосон" гэж Украинд суугаа Их Британийн Элчин сайд Мелинда Симмонс "Хүчингийн хэрэг бол Оросын зэвсгийн нэг хэсэг. Мөн энэ нь дайны гэмт хэрэг" гэж мэдэгджээ.
Европын зөвлөлийн ерөнхийлөгч Чарльз Мишель Буча хотод болсон үйл явдлыг аллага гэж нэрлээд Оросын эсрэг нэмэлт хориг арга хэмжээ авахаас гадна олон улсын шүүхүүдэд дайны гэмт хэргийн материалыг цуглуулахад туслахаа амлажээ.
Энгийн иргэдийн амь насыг хөнөөсөн гэж буруутгаж байгааг харин Орос үгүйсгэж байна. Ням гарагт ОХУ-ын Батлан хамгаалах яамны теле сувагт Бучагаас ирсэн мессежүүдийн "илрүүлсэн" мэдээ нийтлэгдсэн бөгөөд тэдгээр цогцос бүхий дүрс бичлэгийг хуурамч гэж нэрлэжээ.
Тодруулбал, ОХУ-ын Батлан хамгаалах яам Бучагаас авсан дүрс бичлэгт байгаа цогцоснууд "хөдөлж" байна гэж мэдэгджээ. Гэсэн хэдий ч үүнийг дахин нийтэлсэн Оросыг дэмжигч теле сувгууд ч гэсэн удалгүй энэ мэдэгдлээс татгалзаж эхэлсэн юм.
ОХУ-ын Батлан хамгаалах яам "Киев мужийн Буча хотод Оросын цэргийн албан хаагчдын ямар нэгэн "гэмт хэрэг" үйлдсэнийг гэрчлэх гэж буй Киевийн дэглэмийн нийтэлсэн бүх гэрэл зураг, видео материалууд нь ээлжит өдөөн хатгалга юм" гэж тус яамны мэдэгдэлд дурджээ.
"Буча Оросын зэвсэгт хүчний мэдэлд байх үед орон нутгийн нэг ч иргэн хүчирхийллийн үйлдлээс болж хохироогүй" гэж Батлан хамгаалах яам мэдэгдэв.
Оросын бүх ангиуд 3-р сарын 30-нд Бучаг орхисон бөгөөд Буча дахь гэмт хэргийн нотлох баримтууд зөвхөн 4 дэх өдөр л гарч ирсэн гэж тус хэлтэс мэдэгдэв.
Энд тэндхийн олон ажиглагчид Бучагийн бичлэгт хариу үйлдэл үзүүлж, Украин руу шинжээчдийг илгээж материал цуглуулахыг уриалав.
НҮБ-ын дэргэдэх Олон улсын хямралын бүлгийн төлөөлөгч Ричард Говен хэлэхдээ, НҮБ-ын Хүний эрхийн зөвлөлөөс байгуулсан Украин дахь зөрчлийг мөрдөн шалгах комисс үүнийг хийж чадна гэв.
Эх сурвалж: ВВС
