Blue Sky зочид буудалд
9:00 цагт “Эмэгтэйчүүдийн хөдөлмөрлөх эрх” хэлэлцүүлэг болно.
10:00 цагт Дэлхийн банкнаас хагас жил тутам гаргадаг Зүүн Ази, Номхон далайн бүс нутгийн эдийн засгийн тайланг цахимаар танилцуулна.
Монголын үндэсний худалдаа аж үйлдвэрийн танхимд
10:00 цагт "Нефтийн бүтээгдэхүүний үнийн асуудал" хэлэлцүүлэг болно. Монголын Нефть хийн үндэсний ассоциац болон Монголын газрын тосны бүтээгдэхүүн импортлогчдын мэргэжлийн холбооны төлөөлөл оролцоно.
Шангри-Ла зочид буудалд
10:00 цагт Америкийн худалдааны танхимаас “Хувийн хэвшилд тулгуурласан өсөлт Монгол Улсын эдийн засагт үзүүлэх нөлөөлөл” сэдэвт уулзалт зохион байгуулна.
Цус сэлбэлт судлалын төвд
11:00 цагт “Цусаа бэлэглэх өдөр”-ийг тэмдэглэнэ.
Монголын үндэсний музейд
11:00 цагт Монгол Улс, БНАСАУ дипломат харилцаа тогтоосны 74 жилийн ойд зориулсан “БНАСАУ-ын аугаа удирдагч Ким Ир Сений мэндэлсний 110 жил” үзэсгэлэнгийн нээлт болно.
Монголын үйлдвэрчний эвлэлийн холбоонд
11:30 цагт Өргөн хэрэглээний бараа бүтээгдэхүүний үнийн өсөлт, иргэдийн цалин хөлсний худалдан авах чадвар буурсантай холбоотойгоор үйлдвэрчний эвлэлийн байгууллагаас хэвлэлийн хурал хийнэ.
Үндэсний мэдээллийн төвд
12:00 цагт Монголын худалдаачдын холбоо ТББ-аас энэ сарын 18-нд Сүхбаатарын талбайд жагсаал зохион байгуулах талаар мэдээлнэ.
Төрийн ордонд
10:00 цагт "Их Монгол" танхимд Монгол Улсын Их Хурлын үйл ажиллагааг цахимжуулах хүрээнд шинээр нэвтрүүлж буй “D-PARLIAMENT” аппликэйшнийг олон нийтэд танилцуулна.
10:00 цагт “Жанжин Д.Сүхбаатар” танхимд Хууль зүйн байнгын хороо хуралдана.
11:00 цагт Ёслол, хүндэтгэлийн А танхимд Монгол Улсын Ерөнхийлөгч “Засгийн газарт чиглэл өгөх тухай” зарлиг гаргасан талаар Ерөнхийлөгчийн Тамгын газраас мэдээлнэ.
12:00 цагт Ерөнхий сайд УИХ-ын даргад Олон улсын хямралт нөхцөл байдлаас үүсэлтэй гол нэр төрлийн бараа, бүтээгдэхүүний хангамж нийлүүлэлтийн хомсдол, сөрөг нөлөөллийг бууруулах тухай хуулийн төсөл өргөн барина. Дараа нь олон нийтэд хандаж мэдээлэл хийнэ.
14:00 цагт “Жанжин Д.Сүхбаатар” танхимд Эдийн засгийн байнгын хороо хуралдана.
