-Киеви орчмын бүс нутгаас Оросын цэргүүд ухрах үеэр энгийн иргэдийг хөнөөсөн тухай мэдээлэл гарсантай холбогдуулан Европын холбоо Москвагийн эсрэг шинэ хориг арга хэмжээ авахаар бэлтгэж байна. Шинэ хориг дотор Оросын эрчим хүчний тээвэрлэгчийн ажил үйлчилгээг худалдан авахаас бүрэн татгалзахыг санал болгох бололтой.

-Украины Ерөнхийлөгч Владимир Зеленский CBS телевизэд өгсөн ярилцлагадаа Оросын түрэмгийллийг Орост захирагдахыг хүсэхгүй байгаа "бүх ард түмнийг тамлан зовоож байна" гэж нэрлэв.

-НҮБ Украины дайны үеэр амь үрэгдсэн энгийн иргэдийн тоог хамгийн сүүлийн байдлаар нэрлэв. Албан ёсоор батлагдсан мэдээллээр тэдний тоо 1400 гаруй байгаа ч бодит тоо үүнээс хамаагүй өндөр байж магадгүй юм;

-Украин, Орос улсууд НҮБ-ын Аюулгүйн Зөвлөлийн яаралтай хуралдаанаар Буча хотод болсон үйл явдлыг хэлэлцэхийг шаардав. Уг хэрэг явдлын талаар хоёр тал эсрэг тэсрэг байр суурь, мэдээлж байгаа юм.

-Олон улсын Улаан загалмайн хорооноос хүмүүнлэгийн цуваа бүслэгдсэн, Мариупольд хүрээгүй байна гэж мэдэгдэв.

-Ромын пап Франциск Киевт очиход бэлэн байгаагаа хэвлэлийнхэнд мэдэгдсэн бөгөөд папын ажлын албаныхан ийм боломжийг судалж байгаа ч ойрын хугацаанд энэ төлөвлөгөө биелэх эсэхийг мэдэхгүй гэв.