-Зеленский НҮБ-ын Аюулгүйн зөвлөлөөс Оросын эсрэг хориг арга хэмжээг чангатгахыг хүснэ.
-Байден Путиныг шүүхэд өгөхийг хүсч байна
-Буча хотод болсон үйл явдлыг геноцид гэж нэрлэв
-Бээжин хэлэлцээр хийхийг уриаллаа.
ЗЕЛЕНСКИЙ: Оросууд Бучад геноцид үйлдсэн
Зеленский Буча хотод болсон явдлыг дахин хэлмэгдүүлэлт гэж нэрлээд "Энэ бол геноцид, энэ бүхний төлөө тэдэнд шийтгэл ногдуулах ёстой гэж үзэж байна" гэжээ.
Гэхдээ тэрээр Бучад болсон үйл явдлыг үл харгалзан Украин Оростой энхийн хэлэлцээ хийх ёстой гэж хэлэв. Зеленский Мягмар гарагт болох НҮБ-ын Аюулгүйн Зөвлөлийн хуралдаанд ОХУ-ын түрэмгийлэл эхэлснээс хойш анх удаа үг хэлнэ.
Байден Путиныг дайны гэмт хэрэгтэн хэмээн шүүхийг уриалав
Байден ОХУ-ын Ерөнхийлөгч Владимир Путины тухай "Энхүн бол харгис хэрцгий, дайны гэмт хэрэгтэн" гэж хэлжээ.
Оросын эрх баригчид тэднийг буруутгаж буйг үгүйсгэж, Буча дахь аллагыг Украин зохион байгуулсан гэж мэдэгджээ. Гэхдээ үүнийг нотлох баримт байхгүй.
“Нью-Йорк Таймс” сонин Максар Технологиэс компанийн авсан Бучи хотын гудамжны хиймэл дагуулын зургуудад дүн шинжилгээ хийж, амь үрэгдэгсдийн цогцсыг харуулсан бөгөөд тэд тэнд гурван долоо хоногоос доошгүй хугацаагаар байсан гэж үзжээ. Хиймэл дагуулын зураг, видео бичлэгийн дүн шинжилгээ нь Оросын Батлан хамгаалах яамны мэдэгдлийг үгүйсгэж байна. Оросын талын мэдэгдснээр бол Буча хотыг оросын цэргүүд хотыг орхисны дараа энгийн иргэд амиа алдсан гэж үзэж байгаа юм.
Украины эрх баригчид Буча-гийн хэрэг явдлыг хэдийнэ мөрдөж эхлүүлээд байна. Энгийн 410 иргэний цогцсыг суваг шуудуунд овоолж, зарим нь зам дагуу хэвтэж, түүнчлэн олон хүний гарыг хүлсэн байжээ.
Британийн тагнуулын алба шинэ тайлангаа танилцуулав
Британийн тагнуулын шинэ тайланд дурдсанаар Украины хүчнийхэн Оросын армийн төлөвлөгөөг таслан зогсоож тус улсын хойд хэсгийн гол нутаг дэвсгэрт хяналтаа эргүүлэн авч чадсан байна. Оросын арми Киевийн хойд хэсэг болон Чернигов орчмын байрлалуудыг орхиж гарсан.
Оросын армийн ухарч буй олон анги нэгтгэлийг Украины зүүн хэсэг рүү буцаан илгээхээс өмнө томоохон засвар, шинэчлэлт хийх шаардлагатай байна гэж Британийн шинжээчид үзэж байна.
Конгресс: Украиныг дахин зэвсэглэнэ
Америкийн хууль тогтоогчдын нам дамнасан бүлэг АНУ-ын ерөнхийлөгч Жо Байдены засаг захиргаанд Украинд нийлүүлэх зэвсгийн жагсаалтыг өргөжүүлэхийг сануулж байна.
Конгрессын гишүүд “газар-агаар” ангиллын пуужин, довтолгооны онгоц, хөлөг онгоцны эсрэг пуужингуудыг жагсаалтад оруулахыг хүсч байна. Уг хүсэлтэд Украинд нэн хэрэгтэй байгаа зенитийн "Стингер" болон "Жавелин" танк эсэргүүцэгч пуужин, түүнчлэн Оросын хангамжийн шугам, бүслэлтийн эсрэг тактикийг тасалдуулах боломжтой алсын тусгалын нисгэгчгүй онгоц нэн чухал байгааг дурджээ.
Бээжин талуудыг яриа хэлэлцээнд уриалав
Хятад, Украины Гадаад хэргийн сайд Ван И, Дмитрий Кулеба нар утсаар ярив. Энэ үеэр Украины мөргөлдөөнийг хэлэлцээрийн замаар шийдвэрлэхийг Бээжин санал болголоо.
Гуравдугаар сарын эхнээс хойш ийм өндөр түвшинд анх удаа утсаар ярьж байна.
Ван И ярилцагчдаа "Дайн эрт орой хэзээ нэгэн цагт дуусдаг. Хамгийн гол нь өвчин зовлонг даван туулж, Европт тэнцвэртэй, үр дүнтэй, тогтвортой аюулгүй байдлын механизмыг бий болгох явдал юм" гэжээ.
Гэсэн хэдий ч Хятад улс Оросын халдлагыг зэмлэн буруушааж, Москвагийн үйлдлийг түрэмгийлэл гэж хүлээн зөвшөөрөхөөс татгалзсаар байна.
Эх сурвалж: ВВС
