БНХАУ цар тахлын нөхцөл байдлаас үүдэлтэй хүндрэл бэрхшээлийг даван туулахад нь аж ахуйн нэгжүүддээ туслах бодлого боловсруулжээ.

Тодруулбал Хятадын Банк, Даатгалын Зохицуулах Хороо цар тахлын сөрөг нөлөөнд өртсөн аж ахуйн нэгжүүдийн үйл ажиллагааг сэргээхэд туслах зорилготой итгэмжийн зээлээ нэмэгдүүлэхээр шийдвэрлэсэн байна.

Тус улсын Шаньдүн, Жэжян, Жянсү зэрэг мужийнхан цар тахлаас урьдчилан сэргийлэх шаардлагыг хангасан нөхцөлд аж ахуйн нэгжүүдийн эрэлт хэрэгцээний дагуу санхүүжилт олгох ажлыг эрчимтэй хэрэгжүүлж буй аж.

Шаньдүн мужийн орон нутгийн санхүүгийн хяналтын газар, банк, даатгалын зохицуулах газар зэрэг санхүүгийн байгууллагууд тусгай үйлчилгээний төсөл боловсруулж, зээлийн хэмжээг тодорхойлох, бизнесийн яаралтай тусламжийн сувгийг нээх зэрэг замаар аж ахуйн нэгжүүддээ санхүүгийн үйлчилгээ үзүүлж буй юм байна.

Жэжян бол Хятадын хувийн хэвшлийн аж ахуйн нэгж хамгийн их төвлөрсөн газрын нэг. Иймээс ч Жэжян мужийн санхүүгийн байгууллагууд аж ахуйн нэгжүүдтэйгээ холбогдож, бодитой дэмжлэг үзүүлж буй гэнэ.

Хар Жянсү мужийн санхүүгийн удирдах байгууллага болон банк нь зээлийг нэмэгдүүлэх замаар аж ахуйн нэгжүүддээ тусалж байгаа бөгөөд дэвшилтэт технологид суурилан компаниудын санхүүгийн тооцооллын аргыг сайжруулан,ажлын үр ашгийг нэмэгдүүлэхэд нь туслаж байгаа юм байна.

Г.Бямба

sonin.mn