fbpx ОХУ-ын Засгийн газар онцгой байдлын зардлын нөөцийг 3.52 тэрбум ам.доллароор нэмэгдүүлнэ
 
Энэ мэдээ хуучирсан буюу 2022/04/11-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 42 секунд

ОХУ-ын Засгийн газар онцгой байдлын зардлын нөөцийг 3.52 тэрбум ам.доллароор нэмэгдүүлнэ

МОСКВА. /Reuters/. Барууны хориг арга хэмжээнд өртөөд буй ОХУ эдийн засгийн тогтвортой байдлыг хангахын тулд онцгой байдлын зардлын нөөцийг 3.52 тэрбум ам.доллароор нэмэгдүүлэх болсноо тус улсын Засгийн газраас мэдэгдэв.

Мөн Засгийн газрын зүгээс бизнес эрхлэгчид болон хүүхэдтэй өрхүүдэд 1 их наяд гаруй рублийн санхүүгийн тусламж үзүүлэхээ амласан байна.

Тус улсын Засгийн газраас ням гарагт гаргасан мэдэгдэлд, “эдгээр санхүүжилтийг гадны хориг арга хэмжээний нөлөөнд буй эдийн засгийн тогтвортой байдлыг хангахад чиглэсэн арга хэмжээнүүдийг хэрэгжүүлэхэд зарцуулна” гэжээ.

Засгийн газрын нөөц сан бол улсын төсвөөс гадуур яаралтай зардалд зарцуулагдах нөөц бөгөөд өнгөрсөн онд тус нөөц сангаас цар тахалтай тэмцэх нэг удаагийн нийгмийн зардалд зарцуулж байсан байна.

Нөөцийг нэмэгдүүлэх гол эх үүсвэр нь эхний улиралд тус улсад орж ирсэн 271.6 тэрбум рублийн эрчим хүчний нэмэлт орлого хэмээн Засгийн газар мэдээлэв.

Статистик мэдээллээр, ОХУ нь ЕХ-ны байгалийн хийн 40 орчим хувийг, газрын тосны гуравны нэгийг хангадаг. Олон улсын Эрчим хүчний агентлагийн хийсэн тооцооллоор өдөрт ОХУ нэг өдөрт 400 сая ам.долларын байгалийн хий, 700 сая ам.долларын газрын тосыг ЕХ-нд нийлүүлдэг аж.

А.Анхбаяр

Эх сурвалж: Монцамэ агентлаг

ЭМЯ: Коронавируст халдварын 15 тохиолдол шинээр батлагдаж, нас баралт бүртгэгдээгүй
ЭМЯ: Коронавируст халдварын 15 тохиолдол шинээр батлагдаж, нас баралт бүртгэгдээгүй
 
Дэлхийн бөмбөрцгийн бүтцийг судлах зорилготой гүний өрөмдлөг Хятадын баруун хязгаарт эхэлжээ
Дэлхийн бөмбөрцгийн бүтцийг судлах зорилготой гүний өрөмдлөг Хятадын баруун хязгаарт эхэлжээ
Энэ мэдээ хуучирсан буюу 2022/04/11-нд нийтлэгдсэн мэдээ болно.

Шинэ мэдээ