Украины Цэргийн Стратегийн харилцаа холбооны газар Оросын цэргүүд Мариуполь хотод Украины арми болон энгийн иргэдийн эсрэг химийн зэвсэг ашигласан гэж мэдээлсэн.
Гэхдээ хотын удирдлагын зүгээс энэ талаархи тодорхой мэдээллийг өгөхгүй байгаа бөгөөд одоогоор дээрхи мэдээллийг баталгаажуулаагүй байна.
Тусгаар тогтнолоо зарласан БНДАУ-ын "Ардын цагдаагийн газар"-ын орлогч дарга өмнөх өдөр нь Мариуполь хотыг хамгаалж буй Украины цэргийнхний эсрэг "химийн цэрэг" ашиглах боломжийн талаар Оросын телевизээр ярьсан юм.
Түүнчлэн Ерөнхийлөгч Зеленский Мариупольд Орос химийн зэвсэг ашигласан байж болзошгүйг анхааруулжээ. Тэрээр “Эзлэн түрэмгийлэгчдийн нэг нь Мариуполийг хамгаалагчдын эсрэг химийн зэвсэг хэрэглэж болно гэж мэдэгджээ. Бид үүнийг маш нухацтай авч үзэх ёстой” гэж видео илгээлтдээ дурдсан байна.
Химийн зэвсэг хэрэглэсэн байж болзошгүй тухай мэдэгдсэний дараа Их Британийн Гадаад хэргийн сайд Лиз Трасс ийм төрлийн зэвсэг хэрэглэх нь "энэ мөргөлдөөнийг зүрх сэтгэлгүй хурцатгах болно" гээд энэ талаарх мэдээллийг "Яаралтай шалгаж байна" гэж Трасс твиттертээ бичжээ.
Харин Пентагон энэ мэдээллийг хараахан баталгаажуулаагүй байгаа ч нөхцөл байдлыг сайтар хянаж байгаа гэж мэдэгдээд байна.