Шведийн Ерөнхий сайд Мангдалена Андерссон, Финландын Ерөнхий сайд Санна Марин нар
Финландын Ерөнхий сайд Санна Марин Стокгольмд Шведийн Засгийн газрын тэргүүнтэй уулзсаныхаа дараа хэлэхдээ, манай улс ирэх зуны дундуур гэхэд НАТО-д элсэх шийдвэр гаргаж магадгүй юм.
Шведийн Ерөнхий сайд Мангдалена Андерссон мөн хэлэхдээ, Швед улсыг Хойд Атлантын эвсэлд элсүүлэх асуудал яригдаж байгаа ч шийдвэр нь бүх эрсдэл, аюулгүй байдлын заналхийллийн үнэлгээнээс хамаарна.
Стокгольм, Хельсинки нар төвийг сахих бодлого баримталж ирсэн ч Украины дайн тэднийг энэ байр сууриа эргэн харах талаар бодоход хүргэв.
Санна Марины хэлснээр тэрээр эцсийн шийдвэр гаргах цагийг яг таг хэлж чадахгүй байгаа ч бид ирэх долоо хоногийн тухай ярьж байна. Финландын парламент эхлээд цэргийн шинжээчид, шинжээчдийн санал бодлыг сонсох бөгөөд үүний дараа л зуны дундуур эцсийн шийдвэр гарна гэж Марин онцолжээ.
Үүний зэрэгцээ Шведийн Svenska Dagbladet сонинд мэдээлснээр, Андерссон өмнө нь Швед улс ирэх зургадугаар сар гэхэд НАТО-д элсэх хүсэлтээ гаргаж магадгүй гэж мэдэгдсэнтухай нийтэлжээ.
Финлянд, Швед хоёрыг эвсэлд нэгдэх хүсэлтээ гаргана гэж олон шинжээч үзэж байгаа ч хоёр орны удирдагчид бие биенээсээ хамааралгүйгээр ийм чухал шийдвэр гаргана гэдгээ удаа дараа онцолж байсан.
Өргөдөл гаргасан тохиолдолд НАТО-гийн гишүүн 30 улсаас зөвшөөрөл авах ёстой бөгөөд онолын хувьд хэдэн сараас нэг жил хүртэл хугацаа шаардагдана.
Гэсэн хэдий ч Швед, Финлянд улсууд НАТО-д элсэх хүсэлтэй байгаагаа илэрхийлбэл аль аль нь эвслийн бүх шалгуурыг бүрэн хангаж байгаа тул энэ нь маш хурдан хэрэгжих боломжтой гэдгийг НАТО-гийн удирдагчид өмнө нь онцолж байсан юм.
