fbpx ОХУ АНУ-ын Конгресс, Канадын Сенатын гишүүдэд хориг арга хэмжээ авчээ
 
Энэ мэдээ хуучирсан буюу 2022/04/14-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 20 секунд

ОХУ АНУ-ын Конгресс, Канадын Сенатын гишүүдэд хориг арга хэмжээ авчээ

МОСКВА. /Anadolu/. ОХУ АНУ-ын Конгрессын Төлөөлөгчдийн танхимын 398 гишүүнд хориг арга хэмжээ авсан тухай тус улсын Гадаад хэргийн яам мэдэгджээ.

Мэдэгдэлд дурдсанаар, Орос улсад авсан хориг арга хэмжээний хариуд ийм алхам хийсэн байна.

“Жо Байдены засаг захиргаа гуравдугаар сарын 24-нд Оросын парламентын гишүүдийг хар жагсаалтад оруулж, Холбооны улсын Хурлын Төрийн Думын 328 депутатын эсрэг тавьсан ээлжит хоригийн хариуд АНУ-ын Конгрессын Төлөөлөгчдийн танхимын 398 гишүүнд хориг арга хэмжээ авч байна” гэж Оросын ГХЯ-ны мэдэгдэлд дурджээ.

Конгрессын доод танхимын хороодын удирдлага, дарга зэрэг эдгээр хүнийг Оросын "хар жагсаалт" - д байнгын үндсэн дээр оруулсан болохыг тэмдэглэсэн байна.

Үүнээс гадна, ОХУ Канадын Сенатын 87 гишүүнд хориг арга хэмжээ авчээ.

Оттава Москвагийн эсрэг дайсагнасан алхмууд хийсний хариуд сенатчдыг Оросын "хар жагсаалт"-д оруулсан гэж тус улсын ГХЯ тэмдэглэсэн байна.

Хязгаарлалтын арга хэмжээнд ОХУ-д зорчихыг хориглох зэрэг арга хэмжээ багтана.

Д.Жаргал

Эх сурвалж: "Монцамэ" агентлаг

С.Амарсайхан: Ипотекийн зээлийн хүүг зургаан хувиас бууруулах боломжтой
С.Амарсайхан: Ипотекийн зээлийн хүүг зургаан хувиас бууруулах боломжтой
 
Дэлхийн бөмбөрцгийн бүтцийг судлах зорилготой гүний өрөмдлөг Хятадын баруун хязгаарт эхэлжээ
Дэлхийн бөмбөрцгийн бүтцийг судлах зорилготой гүний өрөмдлөг Хятадын баруун хязгаарт эхэлжээ
Энэ мэдээ хуучирсан буюу 2022/04/14-нд нийтлэгдсэн мэдээ болно.

Шинэ мэдээ