Украины зэвсэгт хүчин өчигдөр ОХУ-ын Курскийн хязгаар дахь хилийн пункт руу гал нээжээ. Курскийн амбан захирагч Роман Старовойт өчигдөр энэ талаар мэдээлсэн юм. Үүний дараа ОХУ-ыг Батлан хамгаалах яамны төлөөлөгч, хошууч генерал Игор Конашенков мэдэгдэл хийж, Украины зүгээс ОХУ-ын нутаг дэвсгэр дэх обьектууд руу дахин довтолбол шийдвэр гаргах төвд нь цохилт өгнө хэмээн хатуу анхааруулсан байна. Шийдвэр гаргах төв гэдэг нь Украины Зэвсэгт хүчний командлагч В.Зелинськийг хэлж байгаа юм.
Украины талаас гал нээсэн гэх Гордеевка хилийн харуулын цэг нь Украины хилээс дотогш 500 метрт байрладаг юм байна. Галын хариуд Оросын хилчид хариу гал нээсэн байна. Буудалцаанаар ОХУ-ын талаас хохирол гараагүй гэж Батлан хамгаалах яамнаас гаргасан мэдээлэлд дурджээ.
