Орос-Украины дайн 51 дэх өдрөө өрнөж байна. Энэ тухай оросын ТВ-ийн мэдээ олон сувгаар монголчуудад хүрдэг.

Мэдээллийн эх сурвалж: UATV Channel, Вот Так ТВ, Жывы Эфiр сайт.

Оросын олигархи, ЮКОС-ын эзэн асан, Кремльд ойрхон этгээд явсан Леонид Невзлин Израилиас твиттертээ маш ноцтой зүйл бичжээ. Түүнийг бичсэнийг сайтууд эшлэн байгаагаар, Москва, Кремлиэс элдэв мэдээ тархаж байгаа ба бункерт суугаа эзэн (Путин) нөхцөл байдлыг хянаж чадахгүй байна. Уур уцаараа арай ядаж тэвчин барьж, өдөр хоног, цаг минутаар шанална. Бункерын бусад гишүүд нь ялалтын тухай биш, ялагдлын тухай төсөөлөх болж хэзээ хэрхэн хаашаа дүрвэхээ боддог болжээ. Армийн генерал С.Шойгу зүрхний шигдээсээр сэхээнд хэвтэж байна, эдгэлээ ч тахир дутуу хүн болж гарч ирнэ. Эсвэл эмнэлэгтээ үхнэ. Шойгу хүндээр өвчилснийг далимдуулан цэрэг татлагыг Оросын хотуудад тасалдууж эхэлжээ.

Дайны ид үед армийн 20 генералыг нэг дор хусч хаяв. ФСБ-гийн 150 ахлах офицер халагдсан буюу шийтгүүлэв. Украин дахь дайны 1-р үе дуусахад л үр дүн нь ийм байна. Кремлийг тойрсон нам гүм, хямрал, халаа солио үргэлжлэх аж.

Энэ нь 1937-1941 онд Улаан армийн даргалах бүрэлдэхүүнийг хэлмэгдүүлсэн, халж сольсон, эсвэл 1944 онд Гитлерийн амийг хорлох гэснээс болж Вермахтын генералуудыг хүйс тэмтэрсний багасгасан хувилбар хэмээн Леонид Невзлин бичсэн байх аж.

Хар тэнгисийн флотын флагман хөлөг гэгддэг “Москва” хэмээх пуужинт крейсерийг украины эргийн хамгаалалтынхан пуужингаар харваж жагсаалаас гаргаснаар флотын байлдааны бүрэлдэхүүний 10 хувь нь байхгүй болжээ. Хар тэнгисийн флот агаараас хамгаалалтгүй боллоо. Одоо хаанаас нь халдсан ч эсэргүүцэх тэнхэлгүй учраас цэргийн эксперт Олег Ждановын үзэж байгаагаар Орос энэхүү том хөлөгөө алдсан нь цэргийн гэхээсээ улс төрийн маш том хохирол болох аж.

"Москва” крейсер сөнөснөөр Турк Хартэнгист хөдөлгөөнд орж, Газар дундын тэнгист Францын цэргийн хөлөг онгоцууд идэвхжжээ. Крым Орост үлдэх эсэх нь ч “Москва” крейсер сөнөснөөр тодорхой боллоо хэмээн бичиж байна.

Одоо Орост ганц найдвар Донбасс л үлдлээ. Шууд халз тулан байлдахаасаа ч дөлдөг болжээ. Голдуу харанхуй шөнөөр давшилт хийх гэдэг боловч давшилт болгоныг Украины ВСУ няцааж бутцохиж, хүн хүчний хохирол учруулсаар байна. Оросын хүч хүчний хохирол 20 мянга хүрлээ. Энэ нь Афганистан, Чечень амиа алдсан орос цэргийн нийлбэр тооноос давж байна. Цэрэг ихээр үрэгдэж байгаагаас явган цэргээр шөнө дайрах, бусад үед иргэний ба цэргийн барилга байгууламжийг пуужингаар системтэйгээр харвах тактик Орос сонгон авчээ. Оросоос Украин руу халдаж орсон цэргийн нийт техник хүнд зэвсгийнхээ 30 хувийн сөнөөлгөжээ. Энэ нь 5 мянгаас хол давж байна. Украин зүүн, төв, хойд, өмнөд нутгаар дүүрэн шатсан танк, хуягт, машин, эвдэрхий их буу, оршуулж амжаагүй олон мянган орос цэргийн шарил хөглөрч байна.

Украинд байлдаж байгаад ухарч Белорусс руу орсон гэрээт цэргийн 40 хувь эргэж Украинд очиж байлдахгүй хэмээн татгалзсан мэдээ байна. Удахгүй Донбассын төлөө Орос-Украины байлдаан нь 1943 онд фашистын германтай хийсэн улаан армийн байлдааны дараа хоёрт орох том тулаан болно хэмээн цэргийн шинжээчид үзэж байна. Саяхан Хар тэнгист живүүлсэн “Москва” крейсер нь 1945 оноос хойш тэр тэнгист живсэн хамгийн том хөлөг онгоц болох ажээ. Гол нь цөмийн пуужинтайгаа живсэн нь бүр ч ноцтой юм.

Сониноос Орост таксичид цэргийн хүмүүст үйлчлэхгүй боллоо. Оросын том хотуудад цэргийнхэнд таксины жолооч нар ингэж хэлдэг болжээ: Украинаас цэргээ гаргахгүй бол Та нар үйлчлэхгүй.

Д.Номиндарь

Эх сурвалж: Sonin.mn