fbpx Герман улс бодлогоо эрс өөрчилж, Украинд хүнд зэвсэг илгээх шийдвэр гаргалаа
 
Энэ мэдээ хуучирсан буюу 2022/04/27-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 48 секунд

Герман улс бодлогоо эрс өөрчилж, Украинд хүнд зэвсэг илгээх шийдвэр гаргалаа

Герман улс Украинд анх удаа хүнд зэвсэг техник тусламжаар илгээх болсноо Мягмар гарагт зарлажээ.

Европын хамгийн хүчирхэг эдийн засагтай тус улс өнөөдрийг хүртэл Оросын эсрэг хатуу хориг арга хэмжээ авахаас зайлсхийж, Украинд өөрийн үйлдвэрийн хүнд зэвсэг илгээхээс татгалзаж байсан юм. Оросын эрчим хүчний хараат байдал нь Германы эрх баригчдыг айлгаж байв.

Гэвч гадаад дотоодын дарамт шахалтын улмаас канцлер Олаф Шольцын засгийн газар бодлогоо эрс өөрчлөхөөс өөр аргагүй болжээ.

Агаарын довтолгооноос хамгаалах зэвсгээр тоноглосон 50 ширхэг Gepard танкийг үйлдвэрийнх нь агуулахаас Украин руу илгээх зөвшөөрөл өгснөө Германы батлан хамгаалахын сайд Кристин Ламбрехт өчигдөр мэдэгдсэн байна.

Өмнө нь канцлер Шольц өөрийн үйлдвэрийн хүнд зэвсэг техникийг Украинд илгээхээс татгалзаж, ингэвэл Герман улс дайнд татагдан орж, дэлхийн гуравдугаар дайн дэгдэх эрсдэл нэмэгдэнэ гэж тайлбарлаж байв. Оронд нь тэр Европын бусад улс орнуудын зэвсэг техникийг Украинд илгээх ажлыг санхүүжүүлэх санал тавьж байсан юм.

Гэвч Социал демократ Шольцын эвслийн засгийн газрыг бүрдүүлэгч Ногоон болон Чөлөөт Ардчилал намууд Герман улс Украинд үзүүлэх тусламжаа нэмэгдүүлэх шаардлагатай гэж үзэж байв.

Өнгөрсөн долоо хоногт эхэлсэн Донбассын тулаанд Оросын армийн довтолгоог зогсоохын тулд Украины талд танк, их буу зэрэг хүнд зэвсгүүд шаардлагатай байгаа юм.

Эх сурвалж: Reuters

Туул голыг, даланжуулахыг дэмжицгээе
Туул голыг, даланжуулахыг дэмжицгээе
 
Ж.СОРОНЗОН: 30 ЖИЛ БАГШИЙН ЭРЭЛД
Ж.СОРОНЗОН: 30 ЖИЛ БАГШИЙН ЭРЭЛД
Энэ мэдээ хуучирсан буюу 2022/04/27-нд нийтлэгдсэн мэдээ болно.

Шинэ мэдээ