Оросын T-90 цувралын хамгийн сүүлийн загвар болох T-90M танк Украинд ирснээсээ хойш хэдхэн хоногийн дараа устгагдсан тухай эх сурвалжууд мэдээлжээ.
“Прорыв” буюу нээлт гэж нэрлэгддэг энэ танк нь Оросын хамгийн орчин үеийн зэвсэг бөгөөд олон давхар хуяг, хүчирхэг хөдөлгүүр, галын хяналтын системээр тоноглогдсон юм.
Одоогоор ердөө 100 ширхэг үйлдвэрлэгдээд байгаа T-90M танкийг ирэх долоо хоногт Москвагийн Улаан талбайд болох Ялалтын баярын парадад үзүүлэх гэж байгаа.
Анхны T-90M танк Украинд ирсэн тухай дөрөвдүгээр сарын 25-нд Newsweek сэтгүүл мэдээлж байжээ.
Тэгвэл Лхагва гарагт Украины Харьков мужийн Изюм хотын ойролцоо болсон тулаанд T-90M танкийг Америкийн Javelin пуужингийн системээр устгасан байна.
Украины сэтгүүлч Андрий Цаплиенко шатсан танкийн өмнө авхуулсан гэрэл зургаа сошиал хуудсандаа анх нийтэлжээ.
I mean, who could guess that the first Russian T-90M would be hunted down within days after their much-advertised deployment to Ukraine’s Kharkiv Oblast.
— Illia Ponomarenko 🇺🇦 (@IAPonomarenko) May 4, 2022
Say hi to our big friend Andriy Tsapliyenko. pic.twitter.com/1GaFuHcgR8
Пүрэв гарагт Украины батлан хамгаалах яам долоо хоногийн өмнө фронтод ирсэн Оросын T-90M танк устгагдсан болохыг баталсан байна.
“Дэлхий дахиныг айлгадаг Оросын армийн нэр хүнд сүүлийн хоёр сарын хугацаанд маш их доройтож, хэний ч төсөөлж байгаагүй хэмжээнд уналаа” гэж уг мэдэгдэлд өгүүлжээ. Javelin пуужингийн систем Оросын супер, орчин үеийн танкийг төмрийн хаягдал болгосон тухай уг мэдэгдэлд дурдсан байна.
Оросын мэргэжилтнүүд T-90M танкийн дараагийн шинэ загвар T-14 Арматаг зохион бүтээсэн ч одоогоор үйлдвэрлэгдэж эхлээгүй байгаа юм.
Эх сурвалж: Business Insider
