ОХУ-ын Москва хотын Улаан талбайд өчигдөр Ялалтын баярын цэргийн парад болж өндөрлөлөө. Дэлхийн хоёрдугаар дайн өндөрлөсөний Ялалтын баярын жагсаалын үеэр тус улсын ерөнхийлөгч В.Путин үг хэлсэн юм. В.Путин хэлэхдээ: “Бид ЗХУ-ын удирдагчдын 1940-41 оны алдааг давтахгүйн тулд Украинд тусгай ажиллагаа эхлүүлсэн" гэсэн байна.

Тэрбээр цааш нь “Бидний үүрэг бол дэлхий дахинд аймшигт дайны нөхцөл байдлыг үүсгэхгүйн тулд чадах бүхнээ хийх байсан. Барууны орнууд манай улсын хил рүү ойртон ирж бидэн рүү халдахыг санаархаж байсан тул Украин улс руу дайралт хийхээс өөр арга байгаагүй. Барууны орнууд бидэнтэй хэлэлцээ хийх бидний саналыг сонсох ямар ч сонирхолгүй байгаа. Манай арми НАТО-гийн орнуудын эзлэн түрэмгийллийн эсрэг урьдчилан сэргийлэх арга хэмжээ авсан” гэжээ.
1940-41 онд ЗХУ Герман хоёр бие бие рүүгээ халдан довтлохгүй гэж Брестийн гэрээ байгуулсан билээ. Гэвч 1941 оны 6 сарын 22-нд Герман зарлаагүй дайн эхлүүлэн гэнэдүүлэн довтолсон бөгөөд тэрхүү цахилгаанчилсан довтолгооны улмаас Зөвлөлтийн Улаан арми асар их хүн хүчээ алдаж, богино хугацаанд маш олон тосгон, газар нутгаа дайсанд алдсан.
Тиймээс гашуун түүхэн сургамж буй тул, дахин тэгж алдахгүйн тулд ОХУ урьдчилсан арга хэмжээ авч тусгай ажиллагаа эхлүүлсэн хэмээн тус улсын хэвлэл мэдээллийн хэрэгсэлүүдээр мэдээлж буй билээ. .