Украины дайнд амь үрэгдсэн энгийн иргэдийн тоо албан ёсны статистик мэдээллээс олон мянгаар их байна гэж дайны үеийн Украины хүний эрхийн байдалд хяналт тавих НҮБ-ын ажлын хэсгийн ахлагч Матильд Богнер мягмар гарагт Женевт болсон хэвлэлийн бага хурлын үеэр мэдэгдэв.
Одоогийн байдлаар дайн эхэлснээс хойш 3381 энгийн иргэн амиа алдсан гэж үзэж буй. Гэвч Богнер үүнээс ч олон хохирогч байгаа гэдэгт итгэлтэй байна. Ихэнх нь тулалдаанд шууд бус, эмнэлгийн тусламж дутмаг байснаас болж олон иргэн амь алдсан.
Түүний багийнханд Киев, Чернигов мужийн 14 байршилд хүн амины болон хүчин, хулгайн гэмт хэргийн талаар тодорхой мэдээлэл байгаа гэжээ. Тэрбээр “Хохирогчдын дунд ихэнх нь эмэгтэйчүүд, охид байнагэдгийг толотгожээ.
Түүний хэлснээр илрүүлсэн бүх тохиолдлыг дайны гэмт хэрэгтэй адилтгаж болно гэв.
Дайн эхэлснээс хойш НҮБ эзлэгдсэн нутаг дэвсгэрт энгийн иргэд сураггүй болсон 204 тохиолдлыг баримтжуулжээ.
Мягмар гарагт болсон хэвлэлийн бага хурал дээр Матильда Богнер мөн Украины цэргийнхэн хоригдлуудын эсрэг хүчирхийлэл үйлдсэн хэргүүдэд анхаарлаа хандуулав.
"Бид Украины зэвсэгт хүчин болон Украиныг дэмжигч зэвсэгт бүлэглэлүүд Оросын цэргийн олзлогдогсдыг эрүүдэн шүүж, зүй бусаар харьцаж, харьцахгүйгээр хорьж байгаа талаар найдвартай мэдээлэл авсан" гэдгээ дурджээ.
Матильда Богнер Орос, Украины эрх баригчид болон командлалд хандан олон улсын хүний эрхийн хуулийг зөрчсөн бүх хэргийг нэн даруй шалгаж, цаашдын гэмт хэргийг таслан зогсоохыг уриалсан байна.
Эх сурвалж: ВВС