fbpx БНАСАУ: Өдөрт 300 мянга орчим халдвар илэрч, 42 хүн нас баржээ
 
Энэ мэдээ хуучирсан буюу 2022/05/16-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 33 секунд

БНАСАУ: Өдөрт 300 мянга орчим халдвар илэрч, 42 хүн нас баржээ

Умард Солонгост сүүлийн нэг өдрийн дотор 296 мянган хүнд халуурсан шинж тэмдэг илэрсэн байна. Дөрөвдүгээр сарын сүүлээс хойш коронавируст халдварын нийт тохиолдлын тоо 821 мянга орчимд хүрсэн хэмээн тус улсын Мэдээллийн Төв Агентлаг /KCNA/ мэдээллээ.

Мэдээлэлд дурдсанаар, өдөрт нийтдээ 15 хүн “халуурч” нас баржээ. Нийт нас барсан хүний тоо 42 болж, 496 мянган хүн эдгэрч, 324 мянган өвчтөн эмчлүүлж байгаа аж. Гэсэн ч, чухам хэдэн хүн “КОВИД-19”-ийн халдвар авсан болохыг тус агентлаг тодорхой мэдээлээгүй байна.

Өмнөд Солонгосын мэдээллийн “Ёнхап” /Yonhap/ агентлагийн мэдээлснээр, Умардад коронавирусийн халдварыг батлах шинжилгээ болон бусад тоног төхөөрөмж дутмаг байгаагаас халдвар авсан хүний тоог тодорхой дурдахгүй байгаа гэсэн таамгийг дэвшүүлээд байна.

Умард Солонгост коронавируст халдварын анхны тохиолдол тавдугаар сарын 12-нд албан ёсоор бүртгэгдэж, удирдагч Ким Жон Ун Улс Төрийн Товчооны хуралдааны үеэр халдвар тархах бүх аргыг таслан зогсоож, хил гаалийн хяналтыг чангатгахыг үүрэг болгосон. Уулзалтын дараа тус улсын Улс Төрийн Товчоо хорио цээрийн арга хэмжээг боловсруулж, хэрэгжилтэд хатуу хяналт тавин ажиллахыг холбогдох газруудад үүрэг болгожээ.

Toim.mn

Өнөөдөр болох үйл явдлууд
Өнөөдөр болох үйл явдлууд
 
Н.Мандуул: “Самурай“ бондын 30 тэрбум иенийг Хөгжлийн Банк урьдчилан төлөх боломжтой
Н.Мандуул: “Самурай“ бондын 30 тэрбум иенийг Хөгжлийн Банк урьдчилан төлөх боломжтой
Энэ мэдээ хуучирсан буюу 2022/05/16-нд нийтлэгдсэн мэдээ болно.

Шинэ мэдээ