Цахилгаан тамхи хэрэглэгчдийн холбооноос өнөөдөр мэдээлэл хийлээ.
Цахилгаан тамхи хэрэглэгчдийн холбооны менежер Б.Цогт-Очир "Монгол Улсад цахилгаан тамхи худалдаалах хуулийн зохицуулалт байдаггүй. Гэсэн хэдий ч бид нийгмийн хариуцлагын хүрээнд цахилгаан тамхийг 21 нас хүрээгүй хүнд худалдаалахгүй байх, худалдааны цэгүүд иргэний үнэмлэхийг нь шалгаж худалдах арга хэмжээг авч эхэлж байна. ЕБС-иас 500 метрийн радиус дотор байрлах дэлгүүрүүдэд цахилгаан тамхи цаашид нийлүүлэхгүй байх, нэг сарын хугацаанд бараа бүтээгдэхүүнээ шат дараатайгаар буцаан авах болно. Цахилгаан тамхи бол насанд хүн мөн тамхинаас гарах хүсэлтэй хүмүүст зориулсан эд юм. Тавдугаар сарын 12-аас эхлэн энэхүү арга хэмжээ авч эхэлсэн бөгөөд үр дүнд нь хорт зуршилгүй ирээдүйтэй болох эхлэл болно гэдэгт итгэж байна" гэв.
Цахилгаан тамхи хэрэглэгчдийн холбооноос өгч буй мэдээллээр 2022 оны есдүгээр сараас эхлээд никитонгүй под худалдаанд нэвтрүүлэх аж.