-Мариуполь дахь Азовстальд бүслэгдсэн Украины армийн төлөөлөгчидтэй шархадсан хүмүүсийг нүүлгэн шилжүүлэх тохиролцоонд хүрч, чимээгүй дэглэм нэвтрүүлж, Украины шархадсан цэргүүдийг аврах хүмүүнлэгийн коридор нээсэн гэж Оросын Батлан ​​хамгаалах яам мэдэгдэв.

-Украины шархадсан цэргүүдийг өөрийгөө тунхагласан БНАДАУ-ын нутаг дэвсгэрт байрлах Новоазовск дахь эмнэлэгт хүргэжбайгаа ажээ. Харин Украины албаныхан энэ мэдээлэлд хараахан тайлбар хийгээгүй байна.

-Шведийн Ерөнхий сайд Магдалена Андерссон тус улс НАТО-д элсэх өргөдөл гаргаж байгаагаа албан ёсоор зарлав.

-Москвад Хамтын Аюулгүй байгдлын гэрээний байгууллага /ХАБГБ/-ын дээд хэмжээний уулзалт болж, Беларусь, Киргизстан, Казахстаны ерөнхийлөгч нар оролцов. ОХУ-ын Ерөнхийлөгч Владимир Путин "Финлянд, Швед улс НАТО-д элсэхэд Оросын хариу арга хэмжээ эвслийн дэд бүтцийн өргөтгөлөөс хамаарна" хэмээн мэдэгдэв.

-Одесс руу далавчит пуужингаар довтолж үүний уршгаар аялал жуулчлалын дэд бүтцийн барилга байгууламж эвдэрсэн байна. Цохилтын улмаас дөрвөн хүн гэмтэж бэртсэний нэг нь хүүхэд байна.

-Францын Renault автомашины концернийн Оросын өмч төрийн өмчид шилжиж байна. Энэ нь ОХУ-д гадаадын компанийг анх удаа үндэсний болгож байгаа явдал юм.

-Макдоналдс Оросоос гарах эцсийн шийдвэр гаргаснаа зарлалаа. Тус компанийн Орос дахь бизнесийг зарна.

-Оросын арми Харьковоос ухарч, техник хэрэгслийг Северодонецк рүү ойртуулж байна

Эх сурвалж: ВВС