ОХУ-д коронавирусын халдварын тархварын байдал одоогоор “тийм халуун биш” байна. Гэсэн хэдий ч ОХУ-ын Ерөнхийлөгч Владимир Путины эрүүл мэндийг хамгаалах тусгай дүрмийг хэрэгжүүлдэг. Энэ тухай 5-р сарын 18-ны лхагва гарагт төрийн тэргүүний хэвлэлийн нарийн бичгийн дарга Дмитрий Песков мэдэгдэв.
Түүний хэснээр энэхүү тусгай дүрэм өмнөх шигээ хүчин төгөлдөр хэвээр байгаа бөгөөд ерөнхийлөгчийн эрүүл мэндийг сахихад шаардлагатай бүх арга хэмжээг авч байна гэж Кремлийн албан ёсны төлөөлөгч онцлон тэмдэглэжээ.
Владимир Путины COVID-19-ээс хамгаалах дархлаан өнөөгийн байдлын талаарх мэдээлэл түүнд байхгүй гэдгээ Песков дурдаад Ерөнхийлөгчийн коронавирусын эсрэг дараагийн вакцинжуулалтын цаг хугацааны талаарх асуултад хариулж чадаагүй байна.
Ерөнхийлөгчийн хэвлэлийн төлөөлөгч үүнийг "нөхцөл байдал тийм ч халуун биш учраас эдгээр мэдээллийг байнга шалгах боломжгүй" гэж тайлбарлав. Гэсэн хэдий ч төрийн тэргүүнтэй холбоотой урьдчилан сэргийлэх тодорхой арга хэмжээ хэвээр байна гэж Песков онцолжээ.
2021 оны хавар Владимир Путин Sputnik V-ээр коронавирусын халдварын эсрэг анхны вакцинд хамрагдсан. Ойролцоогоор 20 хоногийн дараа Путинд шинжилгээ хийхэд маш их хэмжээний эсрэг бие илэрсэн тухай мэдээлж байсан юм.
Зургаан сарын дараа Оросын удирдагч эмч нарын зөвлөмжийн дагуу хамгаалалтын титрийн түвшин буурсан тул дахин вакцинжуулалтад хамрагджээ.
Владимир Путин бүх оросуудад вакцинжуулалт, дахин вакцинжуулалтад цаг тухайд нь хамрагдахыг зөвлөжээ.
Эх сурвалж: News-sphere.com
