Украины Ерөнхийлөгч В.Зеленский Давост болж буй олон улсын эдийн засгийн форумд үг хэлсний дараа Хятадын төлөөлөгчид алга ташсангүй, улмаар удалгүй танхимыг орхин гарчээ. Энэ тухай АНУ-ын Төлөөлөгчдийн танхимын гишүүн, Бүгд найрамдах намын Майкл Макколл мэдэгдсэнийг РИА Новости мэдээлэв.
CNN телевизээр дамжуулан сенатор Хятадаас ирсэн төлөөлөгчдийн эргэн тойрны сууж буй хүмүүс алга ташиж байгаа гэрэл зургийг үзүүлэв. Зеленскийн үг хэлсний дараа алга ташихаас зайлсхийсэн хүмүүс бол зөвхөн Хятадын дипломатчид байсан гэж Макколл хэлжээ.
Энэ үйлдлээрээ Хятадын төлөөлөгчид “Украин болон Зеленскийг дэмжихгүй байна” гэдгээ илэрхийллээ гэж Макколл үзэж байна.
Зеленский Давост хэлсэн үгэндээ улс орнуудыг Украиныг сэргээхэд нэгдэж, Оросын газрын тосонд хориг тавьж, Орос дахь банкууд болон мэдээллийн технологийн салбарыг бүрмөсөн хааж, тус улсаас бизнесээ татахыг дахин уриалсан юм.
Өмнө нь ОХУ-ын Ерөнхийлөгч Владимир Путин хэлэхдээ олон хориг арга хэмжээ авсан ч Оросын эдийн засаг энэ цохилтыг хангалттай даван туулж байна. Засгийн газар эдийн засгийн иймэрхүү блокын өнөөгийн нөхцөл байдалд хариу арга хэмжээ авах нь чухал гэдгийг онцоллоо. Ийм хүчин чармайлт нь ерөнхий зургаараа "эерэг нөлөө үзүүлдэг" гэдгийг тэрбээр тодотгосон юм.
Эх сурвалж: Лента.ру
