Барууны орнууд харилцаагаа сэргээх тал дээр ямар нэг зүйл санал болгохыг хүсвэл ОХУ энэ нь хэрэгтэй эсэхийг нухацтай авч үзэх болно гэж Гадаад хэргийн сайд Сергей Лавров мэдэгдэв. Энэ тухай ГХЯ-ны цахим хуудсанд мэдээлсэн байна. Тэрбээр "Энэ нь барууны орнуудаас бүрэн хамааралтай" хэмээн тодотгожээ.
Орос улс зөвхөн импортыг орлох үйл явцыг хөгжүүлээд зогсохгүй барууны орнуудаас ямар нэгэн зүйлийн нийлүүлт тал дээр хараат байдлаа зогсоохыг эрмэлзэж байна гэж Лавров онцолжээ.
ГХЯ-ны тэргүүн хэлэхдээ, барууныхан Оросын амин чухал ашиг сонирхолд байнга халдах боломжгүй гэдгийг хүлээн зөвшөөрөхөөс өөр аргагүй болно. Мөн Украинд тусгай ажиллагаа явуулсны дараа барууныхан русофобск /орост дайсагнасан/ байр сууриа улам идэвхжүүлж Өрнөдийн засгийн газрууд өрхийн түвшинд русофобск илрэлтэй хамт тоглох гэсэн оролдлогыг сайд шүүмжлэв.
Лавров хэлэхдээ, Орос улс дэлхийн хамгийн ирээдүйтэй бүс нутаг учраас улс орны цаашдын хөгжил, чадавхдаа Евразийн бүс нутагт анхаарлаа хандуулах хэрэгтэй. Дэлхийн хөгжлийн төв Еврази руу шилжлээ. Бид одоогоор Евразийн бүс нутагт хамгийн өргөн хүрээтэй түншлэлийн сүлжээтэй байна гэж тэрбээр цохон тэмдэглэв.
Барууны орнууд "дарангуйлагчийн байр суурийг баримталж" байгаа энэ нөхцөл байдалд Орос улс Хятадтай эдийн засгийн харилцаагаа улам хурдан бэхжүүлэх болно гэж Оросын сайд мөн онцолжээ.
Түүний бодлоор хоёр орны харилцаа бэхжиж байгаа нь эдийн засгийн хувьд харилцан ашигтай байх нь тодорхой.
Энэ нь улсын төсөвт шууд орлого оруулахаас гадна Алс Дорнод, Зүүн Сибирийг хөгжүүлэх төлөвлөгөөг хэрэгжүүлэх боломжийг бидэнд олгож байна гэж сайд тайлбарлав.
Түүний үзэж байгаагаар Хятад улстай хамтран ажиллах нь Орост өндөр технологи, тэр дундаа цөмийн эрчим хүч төдийгүй бусад олон салбарт өөрийн боломжоо хэрэгжүүлэх бололцоог олгож байна гэжээ.
Эх сурвалж: Лента.ру