БНХАУ эрчим хүчний салбарын томоохон төслүүдийн бүтээн байгуулалтаа шуурхайлж, эрчим хүчний аюулгүй байдлын чадвараа нэмэгдүүлж буйн зэрэгцээ хөрөнгө оруулалтаа ч нэмэгдүүлж байгааг тус улсын Үндэсний эрчим хүчний товчооноос мэдээлжээ.
Тодруулбал тус улсын Шаньси мужийн Датунгийн нүүрсний уурхайн суултын бүс дэх том оврын эрчим хүч нөөцлөх цахилгаан станц удахгүй эрчим хүчний сүлжээнд нэгдэн, цахилгаан үйлдвэрлэж эхлэх аж.
Мөн Гуандун, Хонконг, Макаогийн бүсийн цахилгаан сүлжээг шинэчлэх бүтээн байгуулалт дууссан нь тус бүсийн цахилгаан хангамжийн аюулгүй байдлыг дээшлүүлсэн төдийгүй сэргээгдэх эрчим хүч дамжуулах хүчин чадлыг 6 сая кв-аар нэмэгдүүлэх гэнэ.
Хятадын Үндэсний эрчим хүчний товчооны Төлөвлөлтийн хэлтсийн дэд дарга Сун Вэнь энэ тухай: "Хятад улсын эрчим хүчний төслийн бүтээн байгуулалт хурдацтай өрнөж, эрчим хүч үйлдвэрлэх хүчин чадал бүтэн жилд 220 сая кв-аар нэмэгдэх төлөвтэй байна" гэжээ.
Г.Бямба