fbpx Засгийн газар өдөрт 2.5 тэрбум, Монгол Улс 10 тэрбум төгрөгийн зээлийн хүү төлдөг
 
Ангилал
Улс төр Эдийн засаг
Огноо
Унших
2 минут 41 секунд

Засгийн газар өдөрт 2.5 тэрбум, Монгол Улс 10 тэрбум төгрөгийн зээлийн хүү төлдөг

УИХ-ын чуулганаар Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуулийн төсөл болон хамт өргөн мэдүүлсэн “Засгийн газрын өрийн удирдлагын 2023-2025 оны стратегийн баримт бичиг батлах тухай” Улсын Их Хурлын тогтоолын төслийг хэлэлцэж байна.

Хэлэлцэж буй асуудалтай холбогдуулан гишүүд асуулт асууж, хариулт авч байна.

УИХ-ын гишүүн Ж.Сүхбаатар "33 тэрбум ам.долларын өдрийн хүү хэд байдаг вэ. Бидэнд гарц байдаг уу. Засгийн газрын өрөнд хоногт төлж байгаа хүү хэд байна вэ" гэлээ.

Төсвийн байнгын хорооны дарга Ч.Хүрэлбаатар "Монгол Улсын гадаад өрийн хэмжээ 33.2 тэрбум ам.доллар гэж 2021 оны сүүлээр гарсан. Үүнээс Засгийн газрын өр бол 8.4 тэрбум ам.доллар.Өрийн үйлчилгээний төлбөрт 2022 оны төсөв дээр 905 тэрбум төгрөг суусан. Ингээд 365 хоног хуваавал хоногийн 2.5 тэрбум төгрөг гарч байна. Сая Монгол Улсын зээлжих зэрэглэлийг тогтоодог байгууллагууд ирж үзээд Монгол Улсын зээлжих зэрэглэлийг хэвээр нь үлдээсэн. Өөрөөр хэлбэл, B3 тогтвортой гэдэг зэрэглэлдээ байна гэдэг нь Засгийн газрын хувьд өрийн менежментийг ном журамд нь нийцүүлж байгааг харуулж байна" гэлээ.Үлдэж байгаа өрийг нь хувийн хэвшил, аж ахуйн нэгжүүд төлөөд явж байгаа. Оюутолгойн өр хэмжээндээ төлөгдөж байгаа болов уу. Одоогоор дефольт болж байгаа өр төлбөр сонсогдохгүй байгаа учраас цаг хугацаандаа хэвийн төлөгдөж байгаа гэж бодож байна.

Сангийн яамны ажлын хэсэг "Буцалтгүй тусламжийг 2023 онд 558 тэрбум төгрөг гэж төсөөлж байгаа. Зээлийн хүүгийн төлбөрт 2022 онд 907 орчим тэрбум төгрөг байдаг. Үүнийг 365 хоногт хуваавал өдрийн 2.5 тэрбум төгрөг байгаа. Энэ зөвхөн Засгийн газрын хувьд. Улсын нийт өрийн 25 хувь нь Засгийн газарт байдаг гэж үзээд Засгийн газар хамгийн бага хүүтэй зээл авдаг гэвэл Монгол Улс гадагшаагаа өдөрт хамгийн багадаа 10 тэрбум төгрөгийн хүүгийн төлбөр төлж байгаа гэх тооцооллыг гаргаж болно.Тодорхой мэдээллийг Монголбанк гаргана." гэлээ.

“Эм Ди Си Пи” ХХК-ийн махны үйлдвэр гарал үүсэл тодорхойгүй бодис хэрэглэж байжээ
“Эм Ди Си Пи” ХХК-ийн махны үйлдвэр гарал үүсэл тодорхойгүй бодис хэрэглэж байжээ
 
Н.Мандуул: “Самурай“ бондын 30 тэрбум иенийг Хөгжлийн Банк урьдчилан төлөх боломжтой
Н.Мандуул: “Самурай“ бондын 30 тэрбум иенийг Хөгжлийн Банк урьдчилан төлөх боломжтой
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!

Шинэ мэдээ