fbpx УКРАИН: Дайны 92 дахь өдрийн гол үйл явдлууд
 
Энэ мэдээ хуучирсан буюу 2022/05/27-нд нийтлэгдсэн мэдээ болно.
Ангилал
Дэлхий дахинд
Огноо
Унших
2 минут 9 секунд

УКРАИН: Дайны 92 дахь өдрийн гол үйл явдлууд

-Украины жанжин штаб Пүрэв гарагт Донбассын хойд нутгийн хэд хэдэн сууринг алдсаныг шууд болон шууд бусаар хүлээн зөвшөөрөв. Донбасс дахь Украины цэргүүдийн байдал улам бүр хүндэрч, цөхрөнгөө барж байгааг албаны хүмүүс хэлж байна.

-Луганск мужийн Украйны засаг захиргааны тэргүүн Сергей Гайдай хэлэхдээ, тус бүс нутгийн Украины хэсгийн засаг захиргааны төв болох Северодонецк хотын захад тулаан хэдийнэ өрнөж байна гэв.

-Украины Батлан ​​хамгаалахын дэд сайд Анна Маляр Донбасс дахь байлдааны ажиллагаа дээд цэгтээ хүрсэн. Оросын цэргүүд Украины талын байрлал руу хэд хэдэн чиглэлд нэгэн зэрэг цохилт өгч байна.

-Украины Ерөнхийлөгч Владимир Зеленский уламжлалт цахим илгээлтдээ Украины түншүүд Оросын эсрэг шинэ хориг арга хэмжээний талаар олон долоо хоногийн турш тохиролцож чадахгүй, Украинд шаардлагатай зэвсгийн нийлүүлэлтийг хойшлуулж байна гэжээ.

-Харьков руу их буугаар дайрсны улмаас таван сартай хүүхэд зэрэг есөн энгийн иргэн амиа алдаж, 19 хүн шархаджээ. Украины арми Оросын цэргүүдийг хотоос гаргасны дараа Харьковыг хэдэн долоо хоногийн турш ингэж хүчтэй буудаж байгаагүй юм.

-Украины Донецк мужийн засаг захиргааны тэргүүн Павло Кириленко 5-р сарын 26-нд Оросын буудлагад өртөн тус бүс нутагт таван энгийн иргэн амь үрэгдснийг мэдээллээ.

-НАТО-гийн Ерөнхий нарийн бичгийн дарга Йенс Столтенберг одоо Орос, Украины дайн хэр хурдан дуусахыг хэн ч таамаглаж чадахгүй бөгөөд энэ нь удаан үргэлжлэх боломжтой гэдэгт бид бэлэн байх ёстой гэж мэдэгдэв.

-ОХУ-ын Украинд хийсэн халдлагыг Дэлхийн эрүүл мэндийн байгууллага буруушаав.

Эх сурвалж: ВВС

ЦЭРГИЙН ШИНЖЭЭЧ ХАТЫЛЕВ: Орос улс НАТО-д онцгой сюрприз бэлдсэн
ЦЭРГИЙН ШИНЖЭЭЧ ХАТЫЛЕВ: Орос улс НАТО-д онцгой сюрприз бэлдсэн
 
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
Энэ мэдээ хуучирсан буюу 2022/05/27-нд нийтлэгдсэн мэдээ болно.

Шинэ мэдээ