Их Британи улсын засгийн газар дэлхийн топ 50 их сургуулийг төгсөгчдөд ажлын виз олгох болсноо Даваа гарагт зарлажээ.
Энэ нь шилдэг мэргэжилтнүүдийг татах бодлогын хүрээнд гарсан шийдвэр юм байна.
Шийдвэр ёсоор дэлхийн шилдэг 50 их сургуулийг бакалавр, магистр зэрэгтэй төгссөн гадаадын иргэд хоёр жилийн хугацаатай ажлын виз авах боломжтой болжээ.
Докторын зэрэгтэй бол гурван жилийн хугацаатай виз авах боломж нээгдсэн байна.
Уг хөтөлбөрт хамрагдсан хүмүүс гэр бүлийнхээ хамт Их Британид суурьшиж, цаашдаа визээ урт хугацааны визээр сольж болох гэнэ.
Гэхдээ виз хүсэгчид сургуулиа төгссөнөөс хойших хугацаа таван жилээс хэтрээгүй байх ёстой юм байна.
Төгссөн сургууль нь Times Higher Education, Academic Ranking of World Universities, Quacquarelli Symonds гэсэн шилдэг их сургуулийн жагсаалтуудын ядаж хоёрт нь багтсан байх шаардлага тавьжээ.
Их Британийн засгийн газраас зарласан шилдэг их сургуулиудын жагсаалтад АНУ, Канад, Япон, Герман, Хятад, Сингапур, Франц, Шведийн сургуулиуд багтсан байна.
Виз хүсэгчид гэмт хэрэг, аюулгүй байдлын шалгалтаар орох ба англи хэлний ярих, унших, бичих чадвар “intermediate” түвшинд байх ёстой ажээ.
Эх сурвалж: Aljazeera
