Оросын арми Украины Сумы мужийн хил орчмын бүс нутгийг их буугаар буудсан тухай Украины хилийн алба мэдээлэв.
Украины шүүх эмнэлгийн шинжээчид Оросын цэргүүд Киев мужаас гарсны дараа Буча, Ирпин хотын амь үрэгдсэн энгийн иргэдийн биеэс цочирдом элемент илрүүлсэн гэж тус албаныхан нэмж тодотгов. Тэрхүү цочирдом элемент гэдэг нь флешеттийг хэлсэн хэрэг.
Флешет бол 20-р зууны эхэн үед хэрэглэж байсан сумны дэлбэрэлтийн үеэр их хэмжээгээр тархан цацагддаг жижиг төмөр зэв бүхий сум юм. Одоо энэ төрлийн зэвсгийг хэрэглэх нь маш ховор болсон.
Флешетийг хүний эрхийн төлөө тэмцэгчид олон жилийн турш хүнлэг бус, орчин тойрныхоо хэнийг ч ялгаварлалгүй устгадаг зэвсэг гэх мэт шалтгаанаар хэрэглэхийг хориглох арга замыг эрэлхийлсээр ирсэн байдаг.
Цэргийн шинжээчдийн үзэж байгаагаар Оросын армийн зэвсгийн хангамжтай холбоотой асуудлуудыг харгалзан үзвэл ийм төрлийн сум ашиглах нь тус улсын арми ердийн төрлийн зэвсгийн хомсдолоо нөхөхийн тулд агуулахад буй бүх зэвсгээ ашиглаж байгааг илтгэж байж магадгүй юм гэжээ.
Эх сурвалж: ВВС
