Оросын арми Северодонецкийн 70 хувьд хяналт тавьж, Украины цэргүүдийн нэг хэсэг нь тулалдсаар, нөгөө хэсэг нь урьдчилан бэлтгэсэн байрлал руу ухарсан гэж Луганскийн засаг захиргааны тэргүүн Сергей Гайдай мэдэгдэв.
Луганск мужийн бүх суурингууд байнга галд өртөж, нүүлгэн шилжүүлэх ажиллагааг зогсоосон гэж Гайдай нэмж хэлэв.
Лисичанск одоог хүртэл Украины мэдэлд байгаа гэж тэр үзэж байна.
Үүний өмнө Британийн тагнуулын алба өдөр тутмынхаа тайланд Оросын цэргүүд Северодонецк хотын төвд ойртож байна гэж мэдээлж байсан.
Хэрэв Северодонецк, Лисичанск хотууд унавал Луганск муж бүхэлдээ эзлэгдэнэ. Урд шөнө нь Чеченийн тэргүүн Рамзан Кадыров Северодонецкийг "бүх цэвэрлэх" ажил дууссан гэж мэдэгдээд байгаа юм.
Оросууд түрэмгийлэхээс өмнө Северодонецк хотод 100 мянга орчим хүн амьдарч байжээ. Одоо тус хотод орон сууцны 90% нь эвдэрч, чухал дэд бүтэц бараг бүрэн сүйрсэн гэж орон нутгийн удирдлагууд мэдэгдэв. Эвдэрсэн байшингуудын талаас илүү хувийг сэргээх боломжгүй гэж байна.
Эх сурвалж: ВВС
