2022 оны эхний таван сард гадаад худалдааны нийт бараа эргэлт 7.2 тэрбум ам.доллар болж 2021 оны мөн үеэс 1.3 орчим тэрбум ам.доллар буюу 21.9 хувиар өсжээ. Экспортын дүн импортын дүнгээс 946.5 сая ам.доллароор давж, гадаад худалдааны баланс эерэг гарсан талаар Гаалийн Ерөнхий газар мэдээлэв.
Экспортод нийт 4.1 орчим тэрбум ам.долларын бараа, түүхий эд гаргасан нь өнгөрсөн оны мөн үетэй харьцуулахад 22.9 хувиар мөн өсжээ.
Эх сурвалж: Гаалийн Ерөнхий газар
Экспортод нийлүүлсэн барааны 99.4 хувийг валютын төлбөртэй худалдаа эзэлж байна.
Экспортын барааны нийт дүнд эрдэс бүтээгдэхүүн 83 хувийг эзэлжээ. Гол нэрийн барааны экспортыг доорх зургаас харна уу.
Эх сурвалж: Гаалийн Ерөнхий газар
2022 оны эхний таван сард экспортолсон хар тугалгын хүдэр болон баяжмал, төмрийн хүдэр, зэсийн баяжмал болон цайрын баяжмалыг 100 хувь, чулуун нүүрсний 87.5 хувийг БНХАУ-д, үхэр адууны боловсруулсан ширний 75.4 хувь, самнасан ноолуурын 83.8 хувийг Италид, ямааны угаасан ноолуурыг 100 хувь БНХАУ-д тус тус экспортолж дээрх нэрийн бараа нь экспортын нийт дүнгийн 79.3 хувийг эзэлж байна.
Эх сурвалж: Гаалийн Ерөнхий газар
Монгол Улс дэлхийн 56 оронд бараа экспортолсноос
- БНХАУ-д 81.4 хувь,
- Швейцарт 10.8 хувь,
- Сингапурт 4.7 хувь тус тус ногдож
нийт экспортын 96.8 хувийг дээрх орнууд эзэлж байна.
Эх сурвалж: Өдрийн сонин
.jfif&w=80&h=80 "2024 оны дөрөвдүгээр сарын 1-нээс цалин, тэтгэвэр, тэтгэмж, халамжийг нэмэгдүүлэхэд ₮881 тэрбумыг зарцуулахаар тооцсон байна")
.jfif&w=80&h=80 "Энэ сарын 3-наас ихэнх нутгаар сэрүүснэ")
