fbpx ШИ ЖИНЬПИН: Эрх ашгаа хамгаалах Оросын үйл ажиллагаа нь хууль ёсных
 
Энэ мэдээ хуучирсан буюу 2022/06/16-нд нийтлэгдсэн мэдээ болно.
Ангилал
Дэлхий дахинд
Огноо
Унших
2 минут 26 секунд

ШИ ЖИНЬПИН: Эрх ашгаа хамгаалах Оросын үйл ажиллагаа нь хууль ёсных

Аюулгүй байдалд нь тулгарч буй гаднын сорилтод Оросын үндэсний эрх ашгаа хамгаалах үйл ажиллагаа нь хууль ёсных гэж БНХАУ-ын дарга Ши Жиньпин Владимир Путинтай утсаар ярихдаа мэдэгдлээ гэж Кремлийн хэвлэлийн алба мэдээллээ.
ОХУ-ын Ерөнхийлөгч ярилцагчдаа "Украины нөхцөл байдал, цэргийн тусгай ажиллагааны явцад шийдвэрлэх зорилтуудын талаар зарчмын үнэлгээ" өгсөн гэж тэмдэглэжээ.
"Орос-Хятадын харилцаа урьд өмнө байгаагүй өндөр түвшинд, байнга хөгжин сайжирч байгааг удирдагчид мэдэгдэв. Тэд иж бүрэн түншлэлийн харилцаа, стратегийн хамтын ажиллагааг бүх салбарт тууштай гүнзгийрүүлэх хүсэлтэй байгаагаа дахин нотлов" гэж хэвлэлийн мэдээнд дурджээ.
Түүнчлэн Путин, Ши Жиньпин нар худалдаа, эдийн засгийн хамтын ажиллагааны хэтийн төлвийн талаар дэлгэрэнгүй ярилцсан бөгөөд урьдчилсан мэдээгээр жилийн худалдааны эргэлт дээд хэмжээнд хүрч магадгүй байна.
Барууны хууль бус хориг арга хэмжээний улмаас дэлхийн эдийн засагт үүссэн ээдрээтэй нөхцөл байдлыг харгалзан эрчим хүч, санхүү, аж үйлдвэр, тээвэр болон бусад салбарт хамтын ажиллагаагаа өргөжүүлэхээр төрийн тэргүүнүүд тохиролцов.

Путин, Ши Жиньпин нар арми, цэрэг-техникийн харилцааг цаашид хөгжүүлэх талаар мөн хөндөв.
"Дэлхийн тавцан дахь нөхцөл байдлын талаар ярилцахдаа Орос, Хятад хоёр урьдын адил нийтлэг буюу маш ойр байр сууринаас ажиллаж, олон улсын эрх зүйн үндсэн зарчмуудыг тууштай баримталж, олон улсын харилцааны олон туйлт, шударга ёсны тогтолцоог бий болгохыг эрмэлзэж байгааг онцлон тэмдэглэв " гэж Кремль дурджээ.
Ши Жиньпин Москва, Бээжингийн харилцааг нааштай үнэлэв гэж Хятадын төв телевиз мэдээлэв. Тэрбээр он гарснаас хойш дэлхий дахинд өөрчлөлт гарч, тогтворгүй байгаа хэдий ч хоёр орны харилцаа "хөгжлийн эерэг эрч хүчээ хадгалсаар байна" гэж тэмдэглэв. Ялангуяа Благовещенск-Хейхэ гүүрний хөдөлгөөн эхэлсэнтэй холбоотойгоор улс хоорондын худалдаа нэмэгдэж байгааг дарга онцоллоо гэжээ.

Эх сурвалж: Toim.mn

Дайнаас үүдсэн 10 өөрчлөлт
Дайнаас үүдсэн 10 өөрчлөлт
 
Эрдэнэбүрэнгийн УЦС-ын нөлөөллийн бүсэд буй иргэн бүрд 15.2 сая төгрөг олгоно
Эрдэнэбүрэнгийн УЦС-ын нөлөөллийн бүсэд буй иргэн бүрд 15.2 сая төгрөг олгоно
Энэ мэдээ хуучирсан буюу 2022/06/16-нд нийтлэгдсэн мэдээ болно.

Шинэ мэдээ