ПАРИС. /AFP/. Ням гарагт болсон Францын парламентын хоёр дахь шатны сонгуульд Ерөнхийлөгч Эммануэль Макроны “Хамтдаа!” эвсэл яллаа гэж тус улсын Дотоод хэргийн яам саналын хуудсыг 100 хувь тоолж дууссаны дараа мэдээлжээ.

Зүүний үзэлт Жан-Люк Меланшоны “Шинэ ард түмний экологи, нийгмийн холбоо” (Nupes) 31.6 хувь, Марин Ле Пений “Үндэсний нэгдэл” нам 17.3 хувь, “Бүгд найрамдахчууд” 6.98 хувийн санал авчээ.

Ийнхүү Э.Макроны эвсэл парламентдаа үнэмлэхүй олонхын суудалд авч чадаагүй байна. Францын ДХЯ-наас мэдээлснээр, “Хамтдаа!” эвсэл парламентад 245 суудал авсан бол “Nupes” 131 суудал авчээ. "Үндэсний нэгдэл" болон "Бүгд найрамдахчууд" тус тус 89, 61 суудал авна. Парламентын хоёр дахь шатны сонгуульд ялахын тулд энгийн олонхын саналыг авах ёстой. Ингэснээр Францын парламентын доод танхимын 577 депутат таван жилийн хугацаатай сонгогддог. Тус улсад парламентын сонгуулийн эхний шат зургаадугаар сарын 12-нд болсон бөгөөд "Хамтдаа!" эвсэл 25.71 хувь, "Nupes" холбоо 25.61 хувийн авчээ.

Д.Жаргал

Эх сурвалж: "Монцамэ" агентлаг