Аялал жуулчлалын салбарт сэргэх боломж айсуй. Энэ оны эхний хагас жилийн байдлаар 50 орчим мянган жуулчин манай улсад ирээд байгаа бол дотоодын аялагчдын тоо сүүлийн 3 жилд тогтмол нэг саяас давж байгаа судалгаа байна. Тэгвэл энэ шинэ давлагаанд аялал жуулчлалын салбар бэлэн байна уу?

Монголд аялсан гадаадын жуулчдын 30 шахам хувь нь дахиж ирэхгүй гэж хариулдаг бол дотоодын 5 аялагч тутмын 3 нь аяллын үеэр 00 болон ариун цэврийн асуудалтай тулгарч, 4 аялагч тутмын нэг нь зам болон очоод байрлах байрны олдоц муу, тухгүй байсанд сэтгэл дундуур байдаг гэсэн судалгааны үр дүн байна.

Тэгвэл аялал жуулчлалын салбарт хамгийн их тулгамдаж байгаа маркетинг болон дэд бүтцийн эдгээр тулгамдсан асуудлуудыг шийдэх, үнэ цэнтэй мэдээлэл, чухал туршлага болохуйц сургалтыг БрэндАртэ маркетингийн зөвлөх компани зохион байгуулах гэж байна. Тус компани 2005 оноос хойш 120 гаруй компанийн 100 шахам брэндийг хөгжүүлсэн бөгөөд барилга дэд бүтэц, аялал жуулчлалын салбарын маркетингаар мэргэшсэн юм.

“Аялал жуулчлал, зочлох үйлчилгээний маркетинг” сургалт зургаадугаар сарын 25-27 өдрүүдэд танхим болон онлайн хосолсон хэлбэрээр зохион байгуулагдана. Сургалтаар аялал жуулчлалын маркетинг юунаас эхлэх, оруулсан хөрөнгө оруулалтынхаа үр өгөөжийг яаж хамгийн өндрөөр хүртэх, аялал жуулчлалын ногоон дэд бүтэц, түүнийг хэрхэн хийх, онлайн шилжилтийг хэрхэн үр дүнтэй ашиглах болон контент маркетинг, жуулчны баазын концепц, бизнес загварчлалыг хэрхэн хийх зэрэг энэ салбарынхны өмнө хамгийн их тулгамдаж байгаа сэдвүүдээр мэргэжлийн туршлагатай экспертүүд мэдлэг туршлагаа хуваалцах юм.

Мөн борлуулалтаа хүссэн хэмжээндээ хүртэл яаж өсгөх, орлогын модель, шинэ болон давтан худалдан авагчийг нэмэх зэрэг чухал мэдээллүүдээс гадна оролцогч бүр бизнесийнхээ одоогийн нөхцөл байдалд дүн шинжилгээ хийж, зах зээлд өрсөлдөх чадварынхаа үнэлгээг гаргаж дадлага ажлуудыг хийх юм.

Онолын сургалтуудаас гадна практик дадлагуудыг хийснээр байгууллагынхаа бусдаас ялгарах онцлог, давуу, сул тал болон хэрэглэгчийн хүлээлт одоогийн нөхцөл байдал хоёрын зөрүүг тодорхойлж сайжруулах, өөрчлөх зүйлсийн жагсаалт гаргаж бизнестээ ахиц гаргах ур чадвартай, шинэ санаа сэдэлтэй болох нь сургалтын бас нэгэн өгөөж юм.

Сургалтын явцад аялал жуулчлал, зочлох үйлчилгээний маркетингийн алтан дүрэм, хэрэглэгчийн хамгийн их хүсдэг 10 зүйлс, аялал жуулчлал, зочлох үйлчилгээний маркетингийг үр дүнтэй байлгах практик санаануудыг мөн хуваалцах юм байна.

Сургалтын бүртгэлтэй холбоотой мэдээллийг ЭНД дарж авна уу.