Их Британийн армийн хуурай үамын цэргийн жанжин штабын шинэ дарга Патрик Сандерс Европт шинэ дайнд бэлэн байх ёстой гэдгийг цэргийнхэндээ мэдэгдсэн илгээлт захидал явуулжээ.
Сандерс энэхүү илгээлтдээ “Одоо холбоотнуудтайгаа мөр зэрэгцэн тулалдаж, байлдааны явцад Оросыг ялах чадвар бүхий арми бий болгох зайлшгүй шаардлагатай байна гэжээ.
Тэрбээр "одоо бидний хийх гол ажил бол НАТО-г бэхжүүлэхийн тулд Британий зэвсэгт хүчний шинэчлэлийг түргэтгэх, Оросыг Европын нутаг дэвсгэр рүү цааш урагшлахыг зөвшөөрөхгүй байх явдал юм" гэв.
Түний хэлснээр 1941 оноос хойш Европ тивийн орнуудын оролцоотой хуурай замын цэргийг удирдаж байгаа Британийн армийн анхны штабын дарга аж.
Тодруулахад, Патрик Сандерс 6-р сарын 13-ны даваа гарагт штабын даргын албан тушаалыг хүлээн авсан.
"ОХУ Украйн руу довтолсон нь Их Британийг хамгаалж, хуурай замын тулалдаан, дайнд ялахад бэлэн байх нь бидний үндсэн эрхэм зорилго болж байна гэдгийг тэр онцолж, Оросын түрэмгийллийг өөрсдийн хүчээр дарах хэрэгцээг улам бататгаж байна" хэмээн Британийн армийн жанжин шатбын дарга хэлжээ.
Дашрамд сануулахад, Их Британийн Ерөнхий сайд Борис Жонсон өмнө нь Украины мөргөлдөөн удаан үргэлжлэх тул холбоотнууд Киевт туслах ёстой гэж мэдэгджээ.
Тэрбээр 6-р сарын 17-нд Украины ерөнхийлөгч Владимир Зеленскийтэй уулзаж, мөнгө, зэвсгийн тусламж үзүүлэхээ амлаад байгаа юм.
Эх сурвалж: Toim.mn