Блю Скай зочид буудалд
09:00 цагт Хүнс, хөдөө аж ахуйн салбарын бичил биетний тэсвэржилтийн тандалтын өнөөгийн байдал, бичил биетний тэсвэржилтийн тандалтын үндэсний систем болон лабораторийн үнэлгээний тоймыг танилцуулна.
Авлигатай Тэмцэх Газарт
10:00 цагт тус газрын дэргэдэх Олон нийтийн зөвлөлийн гишүүд, иргэд "Лиценз дагасан авлига" сэдвээр хэвлэлийн хурал хийнэ.
Нийслэлийн Цагдаагийн Удирдах Газарт
10:00 цагт "Бэлгийн хүчирхийллийн хохирогч хүүхдэд туслалцаа үзүүлэх нь" сургалт болно.
Үндсэн Хуулийн Цэцийн гадна
10:30 цагт Үндсэн хуульд нэмэлт, өөрчлөлт оруулах гэж буй нь тус хуулийг зөрчиж байгаа талаар иргэд хэвлэлийн хурал хийнэ.
Монгени цогцолбор сургуульд
11:00 цагт Япон улсад суралцах шинэ гарцыг танилцуулах J-Academy хөтөлбөрийн өдөрлөг болно.
Чингүнжавын хөшөөний баруун талын уулзварт
11:00 цагт Баянгол дүүргийн 7, 8 дугаар хорооны 1.5 километр замыг дөрвөн эгнээ болгож өргөтгөн шинэчлэх ажлын талаар тус дүүргийн Засаг дарга Ө.Сумъяабаатар, “Хөвчийн зам” ХХК-ийн удирдлагууд хэвлэлийн хурал хийнэ. Дилав хутагт Жамсранжавын гудамж (Чингүнжавын гудамжнаас Гэмтлийн эмнэлгийн урдуур Ард Аюушийн өргөн чөлөө хүртэл) зам засварын талаар мэдээлэл өгнө.
Хангарди ордонд
11:00 цагт "Парис-2024" зуны олимпын наадмын албан ёсны оноо олгох “Улаанбаатар их дуулга-2022” жүдо бөхийн олон улсын тэмцээний талаар зохион байгуулагч нар нь хэвлэлийн хурал хийнэ.
Монгол Ньюс мэдээллийн төвд
11:00 цагт иргэний нийгмийн байгууллага болон орон нутгийн төлөөлөгч нар Монгол Улсын Ерөнхийлөгчид өгсөн шаардлагын хариуг эсэргүүцэж, үзэл бодлоо илэрхийлнэ.
Үндэсний мэдээллийн төвд
11:30 цагт "Иргэн Ч.Мөнхбаярын амь насны аюулгүй байдлын хариуцлагыг Үндэсний Аюулгүй Байдлын Зөвлөл хүлээх ёстой" сэдвээр өмгөөлөгч нар хэвлэлийн хурал хийнэ.
Ардчилсан намын төв байранд
12:30 цагт Ардчилсан намаас хэвлэлийн хурал зарлаж байна.
"Холидэй Инн" зочид буудалд
14:00 цагт Хүний Эрхийн Үндэсний Комисс, Боловсрол эвсэл, Тува ээж ТББ, Чинагийн Галсан сан хамтран Тува үндэстний цөөнхийн хүүхдийн хос хэл, соёлын асуудлыг хөндсөн хэлэлцүүлэг зохион байгуулна.
"Norphei art gallery"-д
16:00 цагт "Ардчилалд агаар дутна" үзэсгэлэнгийн нээлт болно.
