fbpx Украины камиказе дрон Оросын газрын тос боловсруулах үйлдвэрийг дэлбэлжээ
 
Ангилал
Дэлхий дахинд
Огноо
Унших
1 минут 54 секунд

Украины камиказе дрон Оросын газрын тос боловсруулах үйлдвэрийг дэлбэлжээ

Украины хилд ойр оршдог ОХУ-ын газрын тос боловсруулах үйлдвэр өчигдөр дроны халдлагад өртжээ.

Камиказе дрон ниссээр үйлдвэрийн байгууламжид цохилт өгч буйг харуулсан дүрс бичлэг сошиал сүлжээнд тарсан байна.

Газрын тос боловсруулах үйлдвэр нь Ростов мужийн Новошахтинск хотод, Украины хилээс 8 км орчим зайтай оршдог ажээ.

Дүрс бичлэгийг үйлдвэрийн ажилчдын нэг үйлдсэн юм байна. Дэлбэрэлтийн дараа ажилчид хараал хэлж буй нь бичлэгт үлджээ.

Сүүлд РИА Новости агентлаг үйлдвэрийн галыг унтрааж буйг харуулсан дүрс бичлэгийг нийтэлсэн байна.

Үйлдвэрийн захиргаа халдлагыг Украины талаас үйлдсэн ба хохирлын хэмжээг тодорхойлохын тулд үйл ажиллагаагаа зогсоосныг мэдэгджээ.

Орон нутгийн цагаар өглөөний 8:40 цагт эхний дрон түүхий тос нэрэх байгууламж руу довтолсон бол дараа нь 9:23 цагт хоёр дахь дрон нөөцийн байгууламж руу нь халдсан тухай уг мэдэгдэлд өгүүлсэн байна.

Гал гарсан газраас дроны хэсгүүд олдсон, халдлагын үеэр хүний амь үрэгдээгүй тухай Ростов мужийн захирагч Василий Голубев мэдээлжээ.

Эх сурвалж: Business Insider

Оросын зүгээс халдан довтолбол тулалдахад бэлэн байгаагаа Финландын генерал мэдэгджээ
Оросын зүгээс халдан довтолбол тулалдахад бэлэн байгаагаа Финландын генерал мэдэгджээ
 
Н.Мандуул: “Самурай“ бондын 30 тэрбум иенийг Хөгжлийн Банк урьдчилан төлөх боломжтой
Н.Мандуул: “Самурай“ бондын 30 тэрбум иенийг Хөгжлийн Банк урьдчилан төлөх боломжтой
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!

Шинэ мэдээ