СӨҮЛ. /Yonhap/. АНУ, Япон, БНСУ-ын удирдагчид ирэх лхагва гарагт Испанийн Мадрид хотод зохион байгуулагдах НАТО-гийн дээд хэмжээний уулзалтад оролцох бөгөөд мөн энэхүү боломжийг ашиглан гурван талт хэлэлцээр хийнэ. БНСУ-ын Ерөнхийлөгчийн Тамгын газар ням гарагт сэтгүүлчдэд дээрх хуваарийг зарласан байна. Тус улсын Ерөнхийлөгч Юн Сок Ёл энэ сарын 29-30 өдрүүдэд НАТО-гийн дээд хэмжээний уулзалтад урилгаар оролцох бөгөөд энэ нь энэ нь Өмнөд Солонгосын Ерөнхийлөгч анх удаа уг уулзалтад оролцоно. Мөн дээрх гурван улсын удирдагчид дөрвөн жил есөн сарын дараа дахин уулзах гэж байгаа нь энэ юм.
А.Анхбаяр
Эх сурвалж: "Монцамэ" агентлаг
