ОХУ-ын ерөнхийлөгч Владимир Путиний ойрын холбоотон гэгддэг, тэрбумтан Олег Дерипаска саяхан Украины дайны талаар байр сууриа илэрхийлснийг эх сурвалжууд мэдээлжээ.
Тэрбээр өчигдөр Москва хотод Оросын сэтгүүлчидтэй уулзахдаа Украины дайнд “ялагч байхгүй” гэж үзэж байгаагаа илэрхийлсэн байна.
“Эдийн засгийн хувьд 90-ээд онд, 2000-аад онд олсон бүхнээ хэрхэн хурдтай алдаж байгааг харах надад хэцүү байна. Тэгээд одоо бид ялалтаа хүлээж сууна. Юуны ялалт вэ? Хэний ялалт вэ? Украиныг сүйрүүлэх нь бидний хувьд ч бас асар том алдаа болно гэж би бодож байна” гэж Дерипаска энэ үеэр ярьжээ.
Олег Дерипаска нь Оросын хамгийн том аж үйлдвэрийн бүлэглэлүүдийн нэг “Базовый элемент”-ийг үүсгэн байгуулагч юм. Түүний хөрөнгийн хэмжээг Форбс сэтгүүл $3.5 тэрбум гэж тооцоолсон байдаг.
Эх сурвалж: Reuters