Ipsos судалгааны байгууллагын явуулсан шинэ санал асуулгаар Борис Жонсон дэлхийн хоёрдугаар дайнаас хойших цаг үеийн Их Британийн хамгийн муу ерөнхий сайд болжээ.
1945 оноос хойш ажилласан ерөнхий сайд нарын ажлыг үнэлүүлэхэд судалгаанд оролцогчдын 49 хувь нь Даунинг Стритэд ажиллахдаа Жонсоныг хамгийн муу байсан гэж дүгнэсэн байна.
Жонсоны өмнө энэ албыг хашиж байсан Тереза Мэй 41, Дэвид Камерон 38 хувийн саналаар тус тус удаалжээ.
Гэхдээ Борис Жонсон бас хамгийн сайн ажилласан ерөнхий сайд нарын дөрөвдүгээрт эрэмбэлэгдсэн байна.
Түүний шүтээн гэгддэг Уинстон Черчиллийг хамгийн сайн ажилласан гэж 62 хувь нь үзжээ. Черчиллийн дараа Маргарет Тэтчер 43, Тони Блэйр 36 хувиар хамгийн сайн ажилласан ерөнхий сайдын саналыг авсан бол Борис Жонсоныг 33 хувь нь сайнаар үнэлсэн байна.
Ирэх долоо хоногт ажлаа хүлээлгэж өгөх Борис Жонсон одоо улс орноороо тойрон үдэлтийн аяллаа хийж байгаа юм.
Эрх баригч Консерватив нам удахгүй түүний залгамжлагчийн нэрийг тодруулна.
Эх сурвалж: DPA