Хангарди ордны 14 давхарт
09:00 цагт Үндэсний соёл амралтын хүрээлэнг тохижуулах ажлын хууль эрх зүйн зарим зохицуулалтыг хийх Хотын даргын саналыг НИТХ дэмжсэн талаар мэдээлэл хийнэ.
Төрийн ордонд
09:00 цагт Азийн Архитекторуудын чуулган болно.
БШУЯ-ны Соёмбо танхимд
10:00 цагт Шүлхийгээс сэргийлэх вакцин үйлдвэрлэх технологийг лицензийн гэрээгээр Биокомбинат ТӨХК-д албан ёсоор шилжүүлж өгөх арга хэмжээ болно. Ийнхүү шилжүүлж өгсний дараагаар үйлдвэрлэл явуулах боломж бүрдэх юм.
Хангарди ордны 14 давхарт
11:00 цагт Морьт харвааны олон улсын аварга шалгаруулах "Хийморь" тэмцээнийг зохион байгуулах тухай мэдээлэл хийнэ.
Улсын Дээд шүүхийн үүдэнд
10:30 цагт АН-ын гишүүн Н.Алтанхуяг мэдээлэл хийнэ. Мэдээллээр АН-ын Их хурлын үеэр С.Эрдэнэ хууль бус үйлдлүүд гаргасныг баримттай дэлгэнэ.
Шонхор цамхагт
11:00 цагт Ардчилсан намаас Ардчилсан намын Үндсэн дүрмийн дагуу хариуцлага тооцсон нэр бүхий 6 гишүүний асуудлаар болон үнийн өсөлт, инфляц, “Восток-2022” цэргийн сургуулилалтын талаар мэдээлэл хийнэ.
Барилгын хөгжлийн төвд
11:30 цагт Барилга, хот байгуулалтын яам, Барилгын хөгжлийн төв, Монголын барилгын үндэсний ассоциацаас “Барилга, орон сууц 2022 үзэсгэлэн яармаг” болон барилгын салбарын цаг үеийн асуудлаар мэдээлэл хийнэ.
Соёлын яаманд
11:40 цагт “Бичиг үсгийн олон улсын өдөр-2022“-ийн хүрээнд “Тэгш таван хүсэл” үзэсгэлэнгийн нээлт болно.
МУБИС-ийн хичээлийн III байранд
14:00 цагт Нийслэл болон орон нутаг дахь Ерөнхий боловсролын 60 сургуульд Монголдоо зохион бүтээж, үйлдвэрлэсэн физикийн сургалтын хэрэглэгдэхүүн тоног төхөөрөмжийг гардуулна.
