АНУ-ын сансар судлалын үндэсний байгууллага NASA астероидын хөдөлгөөний чиглэлд нөлөөлөх туршилтыг анх удаа зохион байгууллаа. Энэ нь дэлхийг ямар нэг сансрын биеттэй мөргөлдөхөөс урьдчилан сэргийлэх технологийг боловсруулах зорилготой туршилт юм.
Тус байгууллагын бүтээсэн DART (Double Asteroid Redirection Test) сансрын хөлөг Улаанбаатарын цагаар өглөөний 7:14 цагт дэлхийгээс 10 сая орчим километр зайтай байгаа Диморфос (Dimorphos) астероидыг мөргөжээ.
IMPACT SUCCESS! Watch from #DARTMIssion’s DRACO Camera, as the vending machine-sized spacecraft successfully collides with asteroid Dimorphos, which is the size of a football stadium and poses no threat to Earth. pic.twitter.com/7bXipPkjWD
— NASA (@NASA) September 26, 2022
DART хөлөг астероидыг 24,000 км/цаг хурдаар мөргөсөн ба үр дүнд нь Диморфосын тойрог замд нэг хувийн гажуудал үүсгэх юм.
Энэ нь дэлхий рүү чиглэсэн сансрын биетийн замыг өөрчлөхөд хангалттай нөлөө юм байна.
150 метр өргөнтэй Диморфос нь нь Дидимос (Didymos) хэмээх өөрөөсөө том астероидыг тойрон эргэж байдаг. Эдгээр сансрын биетүүд дэлхийтэй мөргөлдөх шууд аюул учруулаагүй байгаа. Гэхдээ мөргөлдсөн тохиолдолд ноцтой сүйрэл авчрах хэмжээтэй юм.
DART хөлөг өнгөрсөн оны сүүлээр дэлхийгээс хөөрч байжээ.
“Бид хүн төрөлхтний шинэ эрин үеийг эхлүүлж байна. Энэ эринд бид өөрсдийгөө ямар нэг аюултай астероидын нөлөөнөөс хамгаалах боломжтой болох юм. Ямар гайхалтай вэ? Бидэнд өмнө нь ийм чадвар байгаагүй” гэж NASA-гийн гараг эрхэс судлалын салбарын захирал Лори Глэйз туршилтын дараа мэдэгджээ.
NASA-гийн ерөнхий захирал Билл Нелсон DART төслийн багийнханд баяр хүргэснийг дараах дүрс бичлэгээс үзнэ үү.
We have impact! Around 7:14 p.m. EDT, the DART spacecraft crashed into the asteroid Dimorphos. What a watershed moment for planetary defense and all of humanity!
— Bill Nelson (@SenBillNelson) September 26, 2022
Here’s my message to the @NASA’s #DARTmission team. pic.twitter.com/9rNE4dxXjS
Эх сурвалж: The Verge, NASA
