Төрийн ордонд
08:00 цагт Засгийн газрын ээлжит хуралдаан болж байна.
Засгийн газрын 11 дүгээр байранд
09:00 цагт ХЭҮК, иргэний нийгэм, хууль сахиулах байгууллагуудын төлөөлөлд зориулсан сургалт семинар болно.
"Corporate hotel and convention center"-т
09:00 цагт "Эрчим хүчний шилжилт" олон улсын эрчим хүчний чуулган болно. Чуулганаар Зүүн хойд Азид эрчим хүчний үйлдвэрлэлээс үүсгэж буй хүлэмжийн хийн ялгарлыг бууруулах, бүс нутагт тогтвортой эрчим хүчний салбарыг хөгжүүлэх сэдвийн хүрээнд ярилцана.
Эрүүл мэндийн яаманд
11:00 цагт “Нийгмийн эрүүл мэндийн ноцтой байдлын үед сүрьеэгийн тусламж, үйлчилгээнд салбар хоорондын хамтын ажиллагааг бэхжүүлэх нь” сэдэвт дээд хэмжээний уулзалтын талаар мэдээлнэ.
Улсын Дээд шүүхийн гадна
11:00 цагт өмгөөллийн Фиделитас Партнерс ХХК “Ковидын үед гадаадаас эх орондоо ирсэн иргэдийг 35 хоног тусгаарласан нь хууль бус болохыг тогтоолгох, түүний улмаас иргэнд учирсан хохирлыг барагдуулах” шаардлага бүхий нэхэмжлэлийг Улсын Дээд шүүхээр хэлэлцэх болсон талаар мэдээлнэ.
Төрийн ордны баруун хаалганы хажууд
11:40 цагт Ардчилсан Залуучуудын Холбооны жагсаал үргэлжлэх бөгөөд хэвлэлийн бага хурал зарлав.
Монгол ньюс мэдээллийн төвд
12:00 цагт Иргэдийн өдөр тутмын хэрэглээний нэг гурилын үнэ нэмэгдэх болсонтой холбогдуулан "Монголын гурил үйлдвэрлэгчдийн холбоо"-ноос мэдээлэл хийнэ.
MCS Плазагийн 4 давхарт
14:00 цагт Олон Улсын Валютын Сангийн ажлын хэсэг Монгол Улсад ажлын айлчлал хийж, Дүрмийн 4 дүгээр заалтын дагуу хэлэлцүүлгийг хийж дууссан талаараа мэдээлэл өгнө.