fbpx Гэрийн хорионоос зугтсан Оросын сэтгүүлч сошиал хуудсандаа мэдэгдэл нийтэлжээ
 
Энэ мэдээ хуучирсан буюу 2022/10/06-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 51 секунд

Гэрийн хорионоос зугтсан Оросын сэтгүүлч сошиал хуудсандаа мэдэгдэл нийтэлжээ

Украины газар нутагт Оросын цэрэг халдан довтолсны дараахан сэтгүүлч Марина Овсянникова ОРТ сувгийн мэдээний дундуур дайныг эсэргүүцсэн үзэл бодлоо илэрхийлж байв.

Тэрбээр сүүлд ажлаасаа гарсан ч тэмцлээ үргэлжлүүлсээр байсан юм. Улмаар Оросын эрх баригчид есдүгээр сарын 30-ны өдөр Овсянниковаг саатуулж, гэрт нь хорьсон байна.

Харин Даваа гарагт түүнийг гэрийн хорионоос оргосон тухай мэдээ тарж, хуулийн байгууллагуудад эрэн сурвалжлагдаж эхэлсэн юм.

Өчигдөр Овсянникова сошиал хуудсаараа дамжуулан анх удаа мэдэгдэл хийжээ.

“Би өөрийгөө ямар ч буруугүй гэж үзэж байгаа, бас манай улс хуулиа мөрдөхгүй байгаа тул би 2022 оны есдүгээр сарын 30-нд оноосон шийтгэлийг эсэргүүцэж, өөрийгөө чөлөөлөхөөр шийдсэн юм” гэж тэр мэдэгдсэн байна.

Тэр бас шагайнд нь зүүсэн цахим гавыг үзүүлээд “Үүнийг Путинд зүүх ёстой. Украинд геноцид үйлдсэн тэр л миний оронд нийгмээс тусгаарлагдаж, ийм шийтгэл хүлээх ёстой юм” гэж ярьжээ.

Украинд төрсөн 44 настай Марина Овсянникова хаана байгаагаа нууцалсан байна.

Украины дайн эхэлсэн цагаас хойш ОХУ-д хараат бус хэвлэл мэдээллийн хэрэгслүүд, гадаадын нийгмийн сүлжээнүүдийг хааж, сөрөг хүчний дуу хоолойг хориглох болсон юм. Энэ оны гуравдугаар сард ерөнхийлөгч Путиний баталсан хуулийн дагуу тус улсын зэвсэгт хүчний нэр хүндийн эсрэг хуурамч мэдээлэл тараасан бол 15 хүртэл жил шоронд хоригдох ялтай болсон байна.

Эх сурвалж: The Guardian

ЖУРАМ: НӨАТ-ын сугалааны азтан болсон хүнд урамшууллыг олгохдоо төлбөрийн баримтыг цаасаар шаардахгүй
ЖУРАМ: НӨАТ-ын сугалааны азтан болсон хүнд урамшууллыг олгохдоо төлбөрийн баримтыг цаасаар шаардахгүй
 
Энэ сарын 28-нд жирэмсэн эмэгтэй, 12 хүртэлх насны хүүхэдтэй эх, ганц бие эцгийг гэрээс нь ажиллуулахыг зөвлөлөө
Энэ сарын 28-нд жирэмсэн эмэгтэй, 12 хүртэлх насны хүүхэдтэй эх, ганц бие эцгийг гэрээс нь ажиллуулахыг зөвлөлөө
Энэ мэдээ хуучирсан буюу 2022/10/06-нд нийтлэгдсэн мэдээ болно.

Шинэ мэдээ