fbpx Монгол охидыг хил давуулсан гэх сингапур иргэн Loh Sien Chi гэж хэн бэ?
 
Энэ мэдээ хуучирсан буюу 2022/10/06-нд нийтлэгдсэн мэдээ болно.
Ангилал
Нийгэм НО-той мэдээ
Огноо
Унших
3 минут 21 секунд

Монгол охидыг хил давуулсан гэх сингапур иргэн Loh Sien Chi гэж хэн бэ?

Цахим сүлжээгээр монгол охидтой танилцан бэлгийн дарамтад оруулсан, цаашлаад зохион байгуулалттайгаар хил давуулсан үйлдэлд Сингапур улсын иргэн Loh Sien Chi гэх этгээдийг цагдаа нар саатуулаад байгаа юм. Тэрээр Казахстанаас өнгөрсөн долоо хоногт Монголд ирэн, Баянгол дүүрэгт байрлах “BKH” зочид буудалд байрлаж байхад нь баривчилсан байна.

Мөрдөн байцаалтын явцад Loh Sien Chi-ны гар утаснаас 300 орчим охид, эмэгтэйчүүдийн нүцгэн зураг бүхий мэдээлэл олдсон бөгөөд 10 орчим эмэгтэйг хил давуулсан байж болзошгүй нөхцөл байдал тогтоогдоод байгаа юм.

Loh Sien Chi нь 64 настай, сингапур иргэн. Манай улсад 2013 оноос эхэлж аялал жуулчлалын визээр зорчиж эхэлсэн. Loh Sien Chi-г Монгол Улсад байх хугацаандаа эмэгтэйчүүдийг зуучлуулж танилцан бэлгийн хүчирхийлэлд оруулах, хувь хүний нууцтай холбоотой дүрс бичлэг, гэрэл зургийг нь авдаг байсан. Ингэснээр хувь хохирогчдыг айлган сүрдүүлдэг, гадаад улсын иргэнтэй үгсэн тохиролцож бэлгийн харьцаанд орсон охид, эмэгтэйчүүдийн биеийг нь үнэлүүлэх, бэлгийн мөлжлөгийн хохирогч болгон хүн худалдаалах гэмт хэрэг үйлдсэн байж болзошгүй гэж үзэж байгаа.

Тэрээр цахим сүлжээний олон платформд хаягтай. Facebook, Instagram, Youtube, Linkedin зэрэгт бүртгэлтэй. Эдгээр хаягаараа охидтой холбоо тогтоодог байсан аж. Түүнээс гадна Loh Sien Chi өөрийгөө “Өэлүн” хүүхдийн санг үүсгэн байгуулагч гэж өөрийгөө бүртгүүлжээ. Гэвч тус байгууллагын мэдээлэл манай улсын бүртгэлийн санд бүртгэгдээгүй байгаа юм.

Хуулийн байгууллагынхан одоогоор Loh Sien Chi-тэй холбогдуулж өөр хэн нэгнийг шалгаж эхлээгүй байгаа аж. Харин хохирогч охидын мэдээллийг нягтлах, дахин өөр хохирогчид байгаа эсэх дээр ажиллаж байгаа юм байна.

Loh Sien Chi нь хохирогч охидыг гадаадад өндөр цалинтай ажилд зуучилна, сарын 3-6 сая төгрөгийн орчуулагчийн ажилд авна гэх байдлаар танилцдаг байжээ. Тагнуулын ерөнхий газрын мэдээллээр зохион байгуулалттайгаар хил давуулсан монгол эмэгтэйчүүд Мьянмар дахь хууль бус наймааны “КК” гэх паркад барьцаалагдсан гэж байгаа. КК паркад Монголоос гадна Зүүн хойд Азийн улс орны эмэгтэйчүүд ч олноор худалдагдсан. Энэ хууль бус ажлыг зохион байгуулдаг хүмүүс маш олон байгаа. Тэд Loh Sien Chi-ний адилаар улс орноор хэрэн хэсч, хохирогчдоо олзолдог гэж байна.

Яг ийм тохиолдол саяхан Камбожид гарчээ. Тодруулбал, КК паркийн эздийн нэг Камбожид суурьшсан хятад иргэн Ше Жижианг Тайландын Бангкок хотоос баривчилсан байна. Тэрээр нэрээ өөрчилж, компани байгуулан хятад бизнесмэнийн дүрээр хууль бус үйл ажиллагаагаа зохион байгуулж иржээ.

Б.ЭНХЗАЯА

Эх сурвалж: Өдрийн сонин

Д.Сумъяабазар: Ногоон байгууламжийг нэмэгдүүлэх, иргэдэд ая тухтай орчин бүрдүүлэхэд анхаарч байна
Д.Сумъяабазар: Ногоон байгууламжийг нэмэгдүүлэх, иргэдэд ая тухтай орчин бүрдүүлэхэд анхаарч байна
 
Энэ сарын 28-нд жирэмсэн эмэгтэй, 12 хүртэлх насны хүүхэдтэй эх, ганц бие эцгийг гэрээс нь ажиллуулахыг зөвлөлөө
Энэ сарын 28-нд жирэмсэн эмэгтэй, 12 хүртэлх насны хүүхэдтэй эх, ганц бие эцгийг гэрээс нь ажиллуулахыг зөвлөлөө
Энэ мэдээ хуучирсан буюу 2022/10/06-нд нийтлэгдсэн мэдээ болно.

Шинэ мэдээ