2022 оны есдүгээр сард гадаадын 2,180 иргэнд визийн зөвшөөрөл, 623 иргэнд виз, 29 улсын 529 иргэнд ГИХГ-аас цахим виз олгожээ.
Мөн эрх бүхий байгууллагын зөвшөөрлийг үндэслэн гадаадын 1,018 иргэнд Монгол Улсад оршин суух зөвшөөрөл олгож, 862 иргэний оршин суух зөвшөөрлийн хугацааг сунгажээ.
2021 оны үзүүлэлттэй харьцуулахад визийн зөвшөөрөл олголт 57.5 хувь, виз олголт 20.0 хувь, оршин суух зөвшөөрөл олголт 43.5 хувиар тус тус өсөж, оршин суух зөвшөөрлийн сунгалт 11.2 хувиар буурсан байна.
Түүнчлэн нийт 1,162 аж ахуйн нэгж, байгууллагын 4,158 гадаадын иргэний хүсэлтийг цахимаар хүлээн авч, холбогдох хууль, журмын дагуу хянан, шийдвэрлэжээ.
Харин өнгөрсөн наймдугаар сард гадаадын 1,078 иргэнд Монгол Улсад оршин суух зөвшөөрөл олгосон бол 782 иргэний оршин суух зөвшөөрлийн хугацааг сунгаж байжээ.
