fbpx Алла Пугачева гэр бүлийн хамт Израильд амьдарч байгаагаа мэдээлжээ
 
Энэ мэдээ хуучирсан буюу 2022/10/11-нд нийтлэгдсэн мэдээ болно.
Ангилал
Дэлхий дахинд
Огноо
Унших
2 минут 28 секунд

Алла Пугачева гэр бүлийн хамт Израильд амьдарч байгаагаа мэдээлжээ

Гурван долоо хоног орчмын өмнө Украинд явуулж буй Кремлийн эрх баригчдын дайныг шүүмжилж байсан Зөвлөлтийн поп хөгжмийн од асан Алла Пугачева гэр бүлийн хамт Израильд амьдарч байгаагаа өчигдөр мэдэгджээ.

“Сая сая фэнүүдийнхээ хайр, дэмжлэг, үнэнийг худлаас ялгах чадварт нь талархдаг. Ариун газраас би та бүгдийн төлөө, энх тайвны төлөө залбирч байна” гэж 73 настай Пугачева өчигдөр Инстаграм хуудсандаа мэдээлсэн байна.

Тэрбээр Зөвлөлт Холбоот Улсын үед маш их алдар хүндтэй уран бүтээлч байсан бөгөөд зарагдсан цомгийн тоо нь 250 саяыг давж байжээ.

Одоо ч тэр ОХУ төдийгүй орос хэлтэй улс орнуудад маш их алдартай нэгэн юм.

Пугачевагийн нөхөр, телевизийн хөтлөгч, комедиан Максим Галкин дайныг шүүмжилснийхээ төлөө есдүгээр сард ОХУ-ын засгийн газраас гаргадаг “гадаад тагнуул”-ын хар жагсаалтад орж байв.

Хос хоёр Украины дайныг эхэлсний дараахан Оросоос Израильд шилжин суурьшиж байжээ.

46 настай Галкин жүүд гаралтай тул Израилийн иргэний харьяалал авах хууль ёсны эрхтэй юм.

Харин Пугачева хичээлийн шинэ жил эхэлсэнтэй холбоотойгоор хоёр хүүхдийн хамт Орост буцаж ирээд байв. Тэрбээр есдүгээр сард Москва хотод болсон Зөвлөлтийн сүүлчийн төрийн тэргүүн Горбачевын оршуулгын ёслолд оролцож байжээ.

Галкинийг “гадаадын тагнуул” ангилалд оруулсны дараа Пугачева дайныг хатуу шүүмжилсэн утгатай мэдэгдэл гаргаж байв. Тэр үеэс хойш түүнийг Оросын армийн нэр хүндэд халдсан үндэслэлээр хуулийн байгууллага шалгаж эхэлсэн тухай хэвлэлүүд мэдээлж байсан юм.

Хэрвээ буруутай нь шүүхээр тогтоогдвол ийм хэрэгт холбогдсон хүмүүс шоронд хоригдох хүртэл хатуу шийтгэл амсаж байгаа.

Украины дайн эхэлснээс хойш ОХУ-аас 24,000 орчим хүн Израильд дүрвэж ирсэн ба өөр 35,000 орчим хүний хүсэлтийг шийдвэрлэхээр ажиллаж байгаагаа дэлхийн жүүдүүдийг түүхэн эх оронд нь суурьшуулах зорилготой гол байгууллага Жүүдийн Агентлаг мэдээлжээ.

Эх сурвалж: The Guardian

Хоёрдугаар ээлжийн цэрэг татлага аравдугаар сарын 20-ноос эхэлнэ
Хоёрдугаар ээлжийн цэрэг татлага аравдугаар сарын 20-ноос эхэлнэ
 
Хууль, хяналтынхны “царцаасан” хэргүүдийг ХЗДХ-ийн сайд Х.Нямбаатар зарлана
Хууль, хяналтынхны “царцаасан” хэргүүдийг ХЗДХ-ийн сайд Х.Нямбаатар зарлана
Энэ мэдээ хуучирсан буюу 2022/10/11-нд нийтлэгдсэн мэдээ болно.

Шинэ мэдээ

 
 
 
Ирэх сараас ипотекийн зээл олголт хэвийн болно
Залуу гэр бүлүүдийн хувьд байртай болох ганц боломж нь ипотекийн зээлд хамрагдах байдаг. Гэвч цар тахлаас үүдэж сүүлийн жилүүдэд ипотекийн зээл олголт багасаж, зарим банк зээлийн хүсэлт авахгүй