Өнөөдөр өглөө эрт Умард Солонгосын дэглэм зүүн тэнгисийн чиглэлд пуужин харвасныг Өмнөд Солонгосын зэвсэгт хүчин мэдээлжээ.

Пуужин нутаг дэвсгэрийнх нь дээгүүр нисэж өнгөрснийг Японы тал баталсан байна. Энэ үеэр Мияги, Ямагатa, Ниигата мужид түгшүүр зарлаж, хоргодох байранд орохыг ард иргэдэд уриалжээ.

Удалгүй пуужин Номхон далайн усанд унасныг мэдээлж, түгшүүрээ цуцалсан юм.

Пуужин ямар төрлийнх байсан, хэр хол зайд туссан талаар мэдээллийг Өмнөд Солонгосын зэвсэгт хүчин өгөөгүй байна. Урьдчилсан мэдээлэл дээр үндэслэн алсын тусгалын пуужин харвасан байх магадлалтай гэж дүгнэжээ.

Өчигдөр буюу Лхагва гарагт Пёньяны эрх баригчид төрөл бүрийн 25 пуужин харвасан нь нэг өдрийн дотор хамгийн олон зэвсэг туршсан тохиолдол болсон юм. Тухайлбал өчигдөр харвасан пуужингийн тоо нь 1953 оноос хойш харвасан нийт пуужингийн 11 хувь болсон байна.

Тэдгээрийн нэг нь Өмнөд Солонгосын усан хилийн дотор туссан нь урьд өмнө гарч байгаагүй өдөөн хатгалга болжээ.

Үүний хариуд Өмнөд Солонгосын тал агаар-газар ангиллын гурван ширхэг пуужинг Умард Солонгосын харьяаны тэнгисийн ус руу харвасан юм.

Эх сурвалж: Yonhap News