Индонезын Бали аралд өнөөдөр эхэлж буй Их 20-ын бүлгийн чуулганд оролцохоор очсон ОХУ-ын гадаад хэргийн сайдын бие муудаж, эмнэлэгт эмчлүүлсэн тухай мэдээ өчигдөр цацагдсан юм.
72 настай Сергей Лавров зүрхний асуудлын улмаас Бали аралд ирмэгцээ эмнэлэгт очсон тухай Ассошэйтед Пресс агентлаг Индонезын албаны эх сурвалжаас уламжлан мэдээлсэн байна.
ОХУ-ын гадаад хэргийн яамны хэвлэлийн төлөөлөгч Мария Захарова дээрх мэдээллийг эрс няцаагаад Лавровын тагтан дээр бичиг баримт уншиж суугааг харуулсан дүрс бичлэгийг үзүүлжээ.
Лавровоос өөрөөс нь энэ тухай тодруулахад тэр “Энэ бол улс төрд цоо шинэ тоглоом биш. Өрнөдийн сэтгүүлч нар илүү шударга байж, үнэн мэдээлэл түгээдэг болох хэрэгтэй” гэж хэлээд ёжтой инээмсэглэж буйг энэ дүрс бичлэгт харуулсан байна. Тэр бас ОХУ-ын ерөнхийлөгч Владимир Путинийг өвдсөн тухай гадаадын хэвлэлүүд арван жилийн турш бичиж байгааг, бас аливаа үйл явдлыг сурвалжлахдаа Оросын байр суурийг харуулалгүй ялгавартай мэдээлдгийг энэ үеэр шүүмжилсэн юм.
Харин Бали арлын захирагч Ваян Костер өчигдөр Ройтерс агентлагийн сэтгүүлчтэй ярихдаа Лавров эмнэлэгт үзүүлсэн нь үнэн, гэхдээ сайдын бие сайн байсныг мэдээлжээ.
💬 FM Sergey #Lavrov regarding fake news spread by Western media regarding his alleged "hospitalization" ahead of the G20 Summit:
— MFA Russia 🇷🇺 (@mfa_russia) November 14, 2022
I wish the Western journalists to be more honest than they are and write the truth a little more often.
📍 Bali, Indonesia pic.twitter.com/NNb26lUxLZ
Эх сурвалж: Reuters
