АНУ-ын Иргэншил, цагаачлалын албанаас (USCIS) 2023 оны H-2A болон H-2B цагаачлалын бус ажилчдын хөтөлбөрт хамрагдах боломжтой гадаадын улсуудын жагсаалтыг шинэчилжээ.
Манай улс өмнөх жилүүдэд шаардлага бүрэн хангаж оролцсон тул H-2B хөтөлбөрийн жагсаалтад үргэлжлүүлэн хамрагдах боломжтой болоод байна.
Энэхүү шийдвэр нь нийтлэгдсэн өдрөөс хойш нэг жилийн хугацаанд хүчинтэй байна. АНУ-ын Иргэншил, цагаачлалын албанаас 86 улсыг H-2A хөтөлбөрт, 87 улсыг H-2B хөтөлбөрт хамруулахаар тусгажээ.
Монгол Улс анх 2018 онд H2 хөтөлбөрт хамрагдаж эхэлсэн бөгөөд 2021 онд Монгол Улсыг H-2A визийн хөтөлбөрт заасан зохицуулалтын стандартыг хангаагүй гэсэн шалтгаанаар H2-А хөтөлбөрөөс хассан юм хэмээн ГХЯ-ны Консулын Газраас мэдээллээ.