Энэ долоо хоногт Армени улсын нийслэл Ереван хотод Хамтын Аюулгүй Байдлын Гэрээний Байгууллагын (ХАБГБ) дээд хэмжээний чуулган болж өндөрлөлөө.
Хуучин Зөвлөлтийн бүрэлдэхүүнд багтаж байсан орнуудын энэ байгууллагад ОХУ, Армени, Беларусь, Казахстан, Киргизстан, Тажикистан улсууд багтдаг юм.
Пүрэв гарагт чуулганд оролцогсод хамтарсан мэдэгдэл гаргах байсан ч Армени улс гарын үсэг зурахаас татгалзсан тул чадаагүй байна.
Чуулганы нээлтийн үеэр Армены ерөнхий сайд Никол Пашинян тус байгууллага үүргээ гүйцэтгэж, гишүүн орныхоо аюулгүй байдлыг хангахад туслахгүй байгааг хурцаар шүүмжилсэн юм.
Тухайлбал энэ оны эхээр Армени улс хөрш Азербайжаны түрэмгийллээс хамгаалахад туслахыг ХАБГБ-аас хүссэн ч бүтээгүй байна.
“Армены эсрэг Азербайжаны үйлдэж буй түрэмгийллийн эсрэг ХАБГБ өнөөдрийг хүртэл ямар ч арга хэмжээ авч чадахгүй байна. Энэ байдал нь ХАБГБ-ын нэр хүндийг манай улсын дотоодод болон хилийн чанадад ноцтой унагаж байна” гэж Пашинян хэлж байжээ.
Энэ шүүмжлэл нь тус байгууллагын хамгийн том, нөлөө бүхий гишүүн ОХУ-ыг чиглэсэн нь тодорхой байв.
Хамтарсан мэдэгдэлд Армены ерөнхий сайд гарын үсэг зурахаас татгалзсаны дараа Путин үзгээ ширээн дээр шидэж, Беларусийн ерөнхийлөгч Александр Лукашенко балмагдан сандарч байгааг харуулсан дүрс бичлэг сошиал ертөнцөд тарсан байна.
Nikol Pashinyan refused to sign a declaration following the Collective Security Treaty Organization (CSTO) summit.
— Anton Gerashchenko (@Gerashchenko_en) November 24, 2022
In fact, it means that the CSTO has collapsed completely.
Putin dropped his pen, Lukashenko is shocked. pic.twitter.com/lqPwusW4Gi
Үүнээс гадна Армены ерөнхий сайд чуулганд оролцогсод хамтдаа гэрэл зураг авхуулахад ОХУ-ын ерөнхийлөгчөөс зориуд зайтай зогссон нь хэвлэлүүдийн дуранд буужээ.
Oh my. Look at the prime minister of Armenia Pashinyan going out of his way to stand as far as possible from Putin. And Putin knows it, too. Insult to the injury, this is at the gathering of the supposedly Russia-led security bloc. pic.twitter.com/KNCWjKNAHV
— Bakhti Nishanov (@b_nishanov) November 23, 2022
Чуулган өндөрлөсний дараа Армены ерөнхий сайдтай Путин тусдаа уулзсан тухай Кремль мэдээлж байна.
Пашиняны энэ үйлдэл ХАБГБ-ыг задрахад хүргэх эсэхийг нэг сэтгүүлч өчигдөр Кремлийн хэвлэлийн төлөөлөгч Дмитрий Песковоос асуухад “Үгүй. Баримт бичигт гарын үсэг зураагүй нь зарим санал зөрөлдөөн байснаас болсон. Гэхдээ энэ нь ХАБГБ-ын оршин тогтнолд аюул учруулах зүйл биш” гэж хариулсныг ТАСС агентлаг мэдээлжээ.
Эх сурвалж: Business Insider
