Нүүрсний хулгайчдад хариуцлага тооцож, нэрсийг нь ил тод болгохыг шаардсан иргэдийн жагсаал Төв талбайд хоёр дахь өдрөө үргэлжилж байна.
Яг одоогийн байдлаар жагсаж буй иргэдийн зарим нь бухимдлаа илэрхийлэн Төв талбайд зассан гацууруудыг шатаасан бөгөөд аврах ангийн алба хаагчид ирсэн нөхцөл байдалтай байна.
Мөн зарим жагсагч төв замыг хаагаад байгаа билээ.
Иргэдийн төлөөлөл хэлэхдээ "Улсдаа сайхан амьдармаар байна. Гэтэл бидэнд өнөөдөр найдаад амьдрах зүйл алга. Дээр суучхаад бүгд ард түмнээсээ хулгайлж байна" гэв. Мөн "Нүүрсний хулгайчдаа зарла, иргэдийн эрх, эрх чөлөө алдагдаж, ард түмний амьдрал өдрөөс өдөрт доройтож байна. Туйлдаж байна" хэмээн нэг иргэн хэллээ.
