Цаг уур, орчны шинжилгээний газраас өнгөрсөн шөнө -40 градусаас дээш хүйтэн хоносон аймаг, сумдын мэдээллийг хүргэв.
Урьд шөнө агаарын температур хамгийн их хүйтэн буюу Увсын Зүүнговьд -46 градус, Завханы Баянтэс суманд -47 градус хүрчээ.
-40 градус хүрч хоносон аймаг, сумд:
- Сэлэнгийн Зэлтэр, Орхонтуул, Завханы Идэр, Хөвсгөлийн Эрдэнэбулган, Баянзүрх, Хатгал сум.
-41 градус хүрч хоносон аймаг, сумд:
- Завханы Яруу, Тэс, Баянхайрхан, Нөмрөг.
-42 градус хүрч хоносон аймаг, сумд:
- Хөвсгөлийн Цагаан-Үүр, Цагааннуур, Завханы Их-Уул, Тэлмэн, Баян-Өлгийн Сагсай, Увсын Тэс.
-43 градус хүр хоносон аймаг, сумд:
- Хөвсгөлийн Ринченлхүмбэ, Цэцэрлэг.
-45 градус хүр хоносон аймаг, сумд:
- Завханы Отгон, Тосонцэнгэл, Цэцэн-Уул.
Өнөө өглөөний/2023.01.13/ цаг уурын станц, харуулын цасны зузааны мэдээгээр, Увс, Завхан, Хөвсгөл, Булган, Сэлэнгэ, Төв, Хэнтий, Дорнод, Сүхбаатарын ихэнх нутаг, Говь-Алтай, Баян-Өлгийн баруун, Увс,Баянхонгор, Өвөрхангай, Дундговь, Дорноговийн хойд, Ховдын өмнөд, Өмнөговийн баруун хэсгээр 1-37см зузаан цасан бүрхүүл тогтжээ.
Үүнээс хамгийн их цас Багануурт 37см, Увсын Давстад 23см, Төв аймгийн Эрдэнэд 20см, Хөвсгөлийн Цагаан-Үүрт 19см, Завханы Баянтэс, Төв аймгийн Баянчандманьд 18см, Хэнтийн Жаргалтхаан, Ховдын Булганд 17см байна.
